Në kuadër të monitorimit të zbatimit të Reformës në Inspektime , Grupi Ndërinstitucional i Punës zhvilloi në ambientet e Kryeministrisë takimin e tij të parë. Takimi u drejtua nga znj. Mimoza Hajdarmataj, Inspektore e Përgjithshme, në praninë e Z. Enno Bozdo Zëvendësministër i Ministrisë Ekonomisë, Tregtisë dhe Energjetikës, si dhe konsulentëve të projektit BERIS të Bankës Botërore .
Qëllimi i këtij takimi ishte p rezantimi me detyrat e Grupit Ndërinstitucional të Punës për monitorimin e zbatimit të reformës në inspektime, sipas përcaktimeve të Urdhrit të Kryeministrit Nr. 47, datë 10.04.2012 . Gjatë takimit u diskutua për bashkërendimin e punës dhe renditjen e veprimeve për amendimet e ligjeve sektoriale sipas vendimeve të marra nga Task Forca për Reformën Rregullatore, përgatitjen, sipas një plani pune, për bashkimin/shkrirjen e rioraganizimin e inspektorateve dhe funksioneve të tyre inspektuese në Inspektoratin Shtetëror të ri në varësi të Ministrisë së Linjës, brenda muajit Qershor t ë këtij viti dhe ndryshimet strukturore dhe buxhetore që do të pësojnë ministritë përkatëse, si dhe koordinimi i procesit të rialokimit të aseteve të ministrive drejt inspektorateve shtetërore dhe mbështetjen me mjete të teknologjisë së informacionit dhe komunikimit për ndërfaqen me portalin unik të “e-inspection”.

Në përfundim të takimit, Grupi Ndërinstitucional i Punës miratoi një program pune ku u përcaktuan detyrat dhe afatet konkrete për sekretariatet teknike në mbështetje të tij.

Urdhër nr. 47 dt 10.4.2012 per ngritjen e grupit nderinstitucional te punes per monitorimin e zbatimit te reformes ne inspektime

Një grup i përbashkët pune nga Inspektorati Qendror dhe Agjencisë Kombëtare për Shoqërinë e Informacionit, kryesuar nga Inspektorja e Përgjithshme Znj. Mimoza Hajdarmataj zhvilloi një vizitë pune në Bosnje Hercegovinë pranë Inspektoratit Federal të Bosnje Hercegovinës nga 27-30 Mars 2012. Vizita kishte për qëllim njohjen dhe shkëmbimin e eksperiencave në lidhje me veprimtarinë e Inspektoratit Qendror (Federal) në Bosnje dhe informimin me informatizimin e sistemit elektronik për veprimtarinë e inspektimit.

Në kuadër të kësaj vizite dy autoritet drejtuese të inspektorateve respektive mbajtën para mediave vendaset një konferencë për shtyp në lidhje me arsyet e vizitës ku dhe prezantuan ecurinë e reformës në inspektim në të dy vendet.

Z. Ibrahim Tirak, kryeinspektor i Inspektoratit Federal në Bosnje gjatë prezantimit të tij theksoi se Reforma e Inspektimit në Bosnje ka qenë e vështirë por rezultative. Ndikim te ndjeshëm në suksesin e kësaj reforme ka pasur ndërtimi dhe implementimi i sistemit e-inspection i cili është mbështetur nga Banka Botërore. Në këtë sistem janë të regjistruar më shumë se 110,000 subjekte. Sistemi IT-së bën të mundur që këto subjekte të kontrollohen në mënyrë periodike duke shmangur që një subjekt të inspektohet 3 herë dhe ndonjë subjekt tjetër të mos inspektohet fare.
Bashkëlidhur fjala e Z. Ibrahim Tirak

Më pas fjalën e mori Inspektorja e Përgjithshme e Inspektoratit Qendror Znj. Mimoza Hajdarmataj e cila në fjalën e saj theksoi se Qeveria Shqiptare ka ndërmarrë një reformë të thellë në fushën e inspektimeve dhe me një strategji afatgjatë për një qeverisje elektronike.

Në fjalën e saj, Znj. Hajdarmataj shpjegoi se arsyet e kësaj vizite kanë të bëjnë me shkëmbimin e eksperiencave mbi funksionimin e portalit elektronik e-inspection në shërbim të rritjes së efikasitetit dhe efektivitetit të funksioneve të inspektimit, transparencës dhe luftës kundër korrupsionit dhe uljes së barrrës administrative te bisnesit, në përputhje me direktivat dhe rregulloret e BE. Ky sistem do të përmirësojë performancën e inspektorëve, programimin dhe bashkërendimin e inspektimeve.
Bashkëlidhur fjala e Znj. Mimoza Hajdarmataj

Gjatë vizitës 3 ditore delegacioni shqiptar u përqendrua në çështjet e mëposhtme:

– Arkitektura e Sistemit;
– Analiza e vlerësimit të riskut;
– Integrimi i legjislacionit dhe rregulloreve dhe ligjeve të tjera sekondare në modulet e sistemit;
– Planifikimi i inspektimeve, veçanërisht inspektimi i parregullt dhe inspektimi i përbashkët;
– Procedurat e nevojshme për korrigjimet e gabimeve të sistemit (Administrator, gabimet e përdoruesve);
– Integrimi i menaxhimit të dokumenteve në sistemin e-Inspektimit;
– Menaxhimi i lokacionit të biznesit, duke integruar GIS;
– Menaxhimi dhe integrimi i procesit të inspektimit në-vend nëpërmjet sistemit;
– Monitorimi i performancës së inspektorit;
– Menaxhimi i raporteve, sidomos raportet e nevojshme pas zbatimit të sistemit, duke u bazuar në përvojën e punës;
– Komunikimi i sistemit të inspektimit me sisteme të tjera;
– Infrastruktura e pajisjeve hardware dhe software të përdorura për ndërtimin e sistemit (të tilla si Sistemit të Regjistrimit të Biznesit);
– Menaxhimi i roleve të përdoruesit dhe të drejtat e tyre;
– Testimi i Sistemit;
– Plani i trajnimeve në lidhje me sistemin;

Bashkëlidhur momente gjatë tryezave të punës me stafet respektive të dy inspektorateve

Inspektorja e Përgjithshme e Inspektoratit Qendror, Znj. Mimoza Hajdarmataj mori pjesë sot në një Workshop të organizuar nga Ministria Ekonomisë, Tregtisë dhe Energjitikës dhe Deutsche Gesellschaft für Internationale Zusammenarbeit (GIZ) të titulluar “Procedurat Standarde të Operimit, Kompetencat dhe Detyrat e Inspektorëve të Tregut për Pronësinë Intelektuale” në Hotel Tirana International.

Të ftuar në këtë workshop ishin përfaqësues nga të gjithë institucionet që janë aktorë kryesorë në zbatimin e legjislaconit mbi Pronësinë Intelektuale në Shqipëri.

Ky aktivitet u organizua në kuadër të projektit : Mbështetje për Zbatimin e Legjislacionit Shqiptar të Përafruar me Legjislacionin e BE-së. Projekti financohet nga Qeveria Gjermane dhe zbatohet në Shqipëri nga GIZ.

Projekti ka mundësuar ardhjen e Kryeinspektores së Tregut për Republikën e Sllovenisë Znj. Andrejka Grlic e cila ka prezantuar eksperiencën Sllovene në inspektimin e tregut për Pronësinë Intelektuale si dhe në kuadër të reformës së inspektimeve në Shqipëri do të japë rekomandime dhe opsione mbi procedurat e operimit, kompetencat dhe detyrat e inspektoreve të tregut për këtë fushë si dhe koordinimin ndër-insitutional të nevojshëm.

Znj. Andrejka Grlic filloi raportin me një pasqyre të përgjithshme të organizimit të punës së Inspektoratit të Tregut ne Slloveni dhe me pas fokusohet ne rekomandimet mbi organizimin dhe funksionimin e Inspektoratit të Tregut për IPR në Shqipëri.

Bashkëlidhur gjeni raportin e Znj. Andreja Grliç, për Inspektoratin e Tregut në Shqipëri veçanërisht për të Drejtat e Pronësisë Intelektuale.