26.04.2013

Në datën 26 prill 2013, në ambientet e hotel Tiranës, në bashkëpunim me Agjencinë Shqiptare të Zhvillimit Investimeve (AIDA) dhe Agjencinë Kombëtare të Ushqimit (AKU) u organizua një takim, ne formë bashkëbisedimi me bizneset agropërpunuese. Gjatë këtij takimi, Inspektorja e Përgjithshme Znj. Mimoza Hajdarmataj, ka deklaruar se konsultimi i vazhdueshëm me biznesin është një nga instrumentet kryesore për rritjen e cilësisë rregullatore, mbi të cilën mbështetet platforma e Qeverisë për Reformën Rregullatore.

Rregullimi i inspektimeve nëpërmjet një ligji horizontal, pra unifikimi i procedurave, standardeve të veprimtarisë së inspektorateve, përbën një risi madhore të sistemit të inspektimit.

Reforma në inspektime është cilësuar si një nga më prioritaret e Qeverisë në kuadër të përmirësimit të klimës së biznesit. Kjo do të përmirësojë mjedisin e biznesit, konkurrencën e lirë e të hapur, uljen e barrës burokratike, duke reduktuar ndjeshëm numrin e ditëve të inspektimit për bizneset.

Inspektorati Qendror ka përcaktuar angazhime të qarta për inspektoratet për rritjen e transparencës, përgjegjshmërisë, kapaciteteve të inspektorateve, si dhe partneritetit ndaj biznesit, nëpërmjet mbështetjes dhe këshillimit.

Inspektoriati Qendror me mbështetjen e Ministrit të Shtetit për Inovacion dhe Administratën Publike në bashkëpunim me OSCE organiziuan sot takimin me temë: “Lufta kundër korrupsionit, etika dhe forcimi i bashkëpunimit ndërinstitucional ndërmjet Inspektorateve Shtetërore” në kuadër të bashkëpunimit ndërinstitucional të Inspektoratit Qendror me inspektoratet shtetërore.

Ky takim pati si qëllim Prezantimi i Kodit te Etikes për Inspektoret si mjet për forcimin e procesit te inspektimit si dhe Forcimi i bashkepunimit nder-institucional.

Në takim ishin pjesëmarrës Ministrja znj. Milena Harito, Ambasadori z. Florian Raunig, Kryetar i Prezencës së OSBE në Shqipëri dhe Kryeinspektorët Republikës së Shqipërirë.

Inspektorati Qendror ka për mision përmirësimin e efektivitetit dhe përgjegjshmërisë së veprimtarive të inspektimit në Republikën e Shqipërisë. Në kuadër të këtij misioni, Inspektoati Qendror në ushtrim të përgjegjësive ligjore është përqëndruar në plotësimin e kuadrit normativ për zbtimin e ligjit nr. 10433, datë 16.6.2011, “Për inspektimin në Republikën e Shqiprëisë, përparimin në metodologjitë e inspektimeve me vlerësim risku dhe veçanërisht në implementimin e portalit e-inspektimi.

Kodi i Etikës i prezantuar në këtë takim është hartuar në kuadër të plotësimit të akteve zbatuese të ligjit nga Inspektorati Qendror në bashkëpunim me Prezencën e OSBE-së në Shqipëri. Ky kod ka për qëllim promovimin e rregullave të sjelljes dhe të etikës profesionale, nxitjen e reagimeve të duhura nga ana e Inspektorëve gjatë ushtrimit te kompetencave funksionale, në pajtueshmëri me aktet ligjore e nënligjore në fushën e inspektimit si dhe me rregullat e etikës në administratën publike Shqiptare. Ky kod është përgatitur, miratuar dhe shpërndarë inspektorateve dhe është pjese e kontributit për modernizimn e sistemit të inspektimeve në Republikën e Shqipërisë.

Sot me datë 13.03.2014, në ambjentet e Inspektoratit Qendror, u bë prezantimi i portalit unik të inspektimeve “e-Inspektimi”, në këtë prezantim morën pjesë: Znj. Milena Harito, Ministër i Inovacionit dhe Administratës Publike, Znj. Gentiana Sula, Zv/Ministër i Mirëqënies Sociale dhe Rinisë, Z. Marc Ellingstad, General Developement Officer USAID, Z. Dritan Ylli, Kryeinspektor i ISHPSHSH, Z. Ergys Agasi, Kryeinspektor i Inspektoratit të Mjedisit dhe Z. Eltar Deda, Kryeinspektor i Inspektoratit të Shëndetësisë.

Inspektorati Qendror, ka finalizuar fazën e ndërtimit të platformës “e-Inspektimi”, në kuadrin e platformës “e-Government”, duke hapur rrugën për standardizimin e procedurave të inspektimit, bashkërendimin e inspektimeve në të gjitha nivelet e qeverisjes dhe monitorimin e një procesi transparent të inspektimit në çdo inspektorat, shkëmbim informacioni ndërmjet trupave inspektuese dhe institucioneve të tjera të përfshira në këtë proces.

Qëllimi kryesor i këtij sistemi elektronik është që të jetë një instrument i fuqishëm për funksionimin e përditshëm të inspektorëve, në mënyrë që të lehtësojnë punën e tyre, të ndërtojnë dhe monitorojnë një proces transparent të inspektimit. Kjo platformë e sistemit elektronik, mbulon të gjitha informacionet e nevojshme për të përgatitur dhe të kryer një procedurë inspektimi.

Veprimtaria e përditshme e inspektorateve shtetërore dhe e inspektorëve, do të gjejë pasqyrim në portalin unik të inspektimit “e-Inspektimi”. Synimi final i këtij portali është që proceset dhe aktet e dokumentimit të procedurës së inspektimit të jenë tërësisht në format elektronik dhe të aksesueshme në kohë reale. Njëkohësisht, ky portal do të komunikojë lirshëm me regjistrat e tjerë elektronikë në funksionim, si ai i QKR, i QKL etj.

Për të siguruar këtë platformë të vetme dhe të integruar, Inspektorati Qendror në bashkëpunim me USAID kanë bërë të mundur pajisjen e inspektorëve shtetërorë me paketa portabël inspektimi, që kanë në përbërje një laptop, një skaner, një printer portabël dhe një lidhje interneti nëpërmjet një USB. Kjo paketë është thelbësore për aksesimin në portal dhe kryerjen e inspektimeve në kohë reale në terren, duke e bërë çdo inspektim të gjurmueshëm dhe rezultatet e konstatimeve të patjetërsueshme, duke eliminuar përfundimisht procesverbale dhe akte shkresore të panevojshme.

Ky sistem online inspektimi do të rrisë transparencën, si dhe efektivitetin e tyre, duke parandaluar kështu informalitetin dhe korrupsionin.

Vënia në funksionim e këtij portali, është pjesë e zbatimit të reformës në inspektime dhe shërben për modernizimin e strukturave të kontrollit, të zbatimit të legjislacionit dhe rregullave në Republikën e Shqipërisë.

Në datën 26 prill 2013, në ambientet e hotel Tiranës, në bashkëpunim me Agjencinë Shqiptare të Zhvillimit Investimeve (AIDA) dhe Agjencinë Kombëtare të Ushqimit (AKU) u organizua një takim, ne formë bashkëbisedimi me bizneset agropërpunuese. Gjatë këtij takimi, Inspektorja e Përgjithshme Znj. Mimoza Hajdarmataj, ka deklaruar se konsultimi i vazhdueshëm me biznesin është një nga instrumentet kryesore për rritjen e cilësisë rregullatore, mbi të cilën mbështetet platforma e Qeverisë për Reformën Rregullatore.

Rregullimi i inspektimeve nëpërmjet një ligji horizontal, pra unifikimi i procedurave, standardeve të veprimtarisë së inspektorateve, përbën një risi madhore të sistemit të inspektimit.

Reforma në inspektime është cilësuar si një nga më prioritaret e Qeverisë në kuadër të përmirësimit të klimës së biznesit. Kjo do të përmirësojë mjedisin e biznesit, konkurrencën e lirë e të hapur, uljen e barrës burokratike, duke reduktuar ndjeshëm numrin e ditëve të inspektimit për bizneset.

Inspektorati Qendror ka përcaktuar angazhime të qarta për inspektoratet për rritjen e transparencës, përgjegjshmërisë, kapaciteteve të inspektorateve, si dhe partneritetit ndaj biznesit, nëpërmjet mbështetjes dhe këshillimit.

Projekti Rritje Albania /Zhvillimi i Ndërmarrjeve Konkurruese (CED), një projekt i financuar nga USAID-i, synon të fuqizojë rritjen e qëndrueshme ekonomike me bazë të gjerë në Shqipëri. Projekti ndihmon ndërmarrjet jo-bujqësore të bëhen më konkurruese, të rritin shitjet dhe të krijojnë vende të reja pune.

Në vitin 2011, Projekti Rritje Albania bashkëfinancoi Konferencën e 1rë të DPI-së për të rritur ndërgjegjësimin e palëve të interesuara për probleme që lidhen me rëndësinë e DPI-së, si një mjet për promovimin e inovacionit, mjedisit të shëndetshëm dhe konkurrues për biznesin, mbrojtjen e konsumatorit, si dhe rritjen ekonomike dhe konkurrencën.

Në veçanti, prioritetet kryesore për Shqipërinë janë:
• Miratimi i Ligjit të ri për të Drejtat e Autorit Zbatimi efektiv i Ligjit për Inspektimet;
• Rritja e ndërgjegjësimit për problemet e DPI-së dhe trajnim lidhur me zbatimin e DPI-së;
• Miratimi i rregullimeve në Kodin Penal për t’u dhënë prokurorëve të shtetit autoritin që u kërkon detyra për ndjekjen penale të shkeljeve të drejtave të autorit;
• Trajtimi dhe zgjidhja e problemit të piraterisë televizive;
• Krijimi i gjykatave të specializuara për çështje të PI (përfshi ato administrative);
• Përmirësimi i burimeve, trajnimit dhe ekspertizës së Zyrës Shqiptare për të Drejtat e

Autorit dhe Departamentit të DPI-së pranë Doganës Shqiptare
Duke vazhduar me përpjekjet për të rritur ndërgjegjësimin e komunitetit të biznesit mbi çështje që lidhen me të drejtat e pronësisë intelektuale dhe inspektimin, Rritje Albania po organizon një numër tryezash të rrumbullakta në periudhën prill-maj 2013 lidhur me Pronësinë Industriale dhe Reformën e Inspektimit. Në datën 25 Prill u organizua takimi i parë me bizneset e qarkut të Fierit. Rritje Albania po bashkpunon me DPPM-në dhe Inspektoratin Qendror, të cilët do të mbulojnë pjesën e prezantimeve teknike dhe atë me Pyetje & Përgjigje. Përveç marrjes së informacionit të vlefshëm dhe praktik për pronësinë industriale dhe reformën e inspektimit, të gjithë pjesëmarrësve do t’u jepen materiale të ndryshme promocionale të përgatitura nga DPPM-ja dhe Inspektorati Qendror.

Ndër të tjera, sesionet e trajnimit me tryeza të rrumbullakta do t’i ndihmojnë bizneset të kuptojnë rëndësinë e mbrojtjes së Pronësisë Industriale, ku të gjejnë informacion dhe mbështetje, cilat janë rreziqet dhe përfitimet në rast se biznesi regjistron ose jo patentat, markat tregtare, dizajnetenjot industriale, ç’është reforma e inspektimit dhe si duhen informuar bizneset para inspektimit, cilat janë të drejtat dhe detyrimet e tyre, harmonizimi me legjislacionin e BE-së, etj.