Në takimin e sotëm të zhvilluar në ambientet e Inspektoratit Qendror me Profesor e ekspertë të fushave të ndryshme, objekte të inspektimit, me temë reformimin e sistemit të inspektimeve në Republikën e Shqipërisë, fillimisht të pranishmëve ju urua mirë se ardhja dhe u shpreh vlerësimi për angazhimin e tyre në interes të publikut dhe formalizimit të ekonomisë.

Në fjalën e tij Inspektori i Përgjithshëm bëri një përmbledhje të arritjeve e sfidave për reformimin e inspektimeve në Shqipëri, për rritjen e efektivitetit e transparencës të trupave inspektuese goditjen e korrupsionit duke ulur barrën e biznesit për formalizimin e ekonomisë e përmirësimin e klimës së biznesit (fjala e plotë e Inspektorit të Përgjithshëm në linkun e mëposhtëm).

Fjala e plotë e Inspektorit të Përgjithshëm, Shkëlqim Hajdari

Në fjalën e tij Këshilltari i Kryeministrit për Sigurinë Kombëtare Z. Sandër Lleshi, theksoi nevojën e reformimit të sistemit të inspektimeve në Republikën e Shqipërisë nga dy këndvështrime: Reforma në strukturë dhe reforma në procedurë.

Në fjalën e tij ekspertët e konsulentët që kanë hartuar ligjin ekzistues “Për Inspektimin në Republikën e Shqipërisë”, ligji 10433, Z, Artan Hoxha, Z, Jordan Daci, dhe Z. Zhani Shapo sollën në vëmendje të të pranishmëve parimet e mëshiruara në ligjin për inspektimet, si dhe u shprehën pozitivisht për nevojën e përmirësimeve e ndryshimeve ligjore.

Në fjalën e tij Z. Alban Zusi, President i Qendrës Shqipëtare të eksporteve shprehu entuziazmin e tij dhe të bizneseve që ai përfaqëson, si dhe shprehu mbështetjen e plotë për reformimin e sistemit të inspektimeve. Më poshtë lutem gjeni linkun me fjalën e plotë të Z. Zusi.

Mendime për draft ligjin 10 433 “Për inspektimin në RSH”, nga Qendra e Eksporteve Shqipëtare

Në fjalën e tij Z Arjan Jaupllari u shpreh për reformimin e sistemit të inspektimeve, dhe krijimin e Komisionit të Apelimit pranë Inspektoratit Qendror. Ai po ashtu u shpreh për nevojën e thithjes së investimeve për krijimin e laboratorëve private të certifikuara e të akredituara. Nga ana e tij u shpreh vlerësim për mundësimin e një objekti multifunksional në truallin aktual të Inspektoratit Qendror, ndërtesë në të cilën të vendosen të gjitha Inspektoratet Shtetërore, si dhe ato Inspektorate që kanë Drejtori Qendrore për Tiranën.

Profesor Rexhep Uka duke shprehur vlerësim për ndryshimin e imazhit te Inspektoratit Qendror, si Institucion bërthamë rregullatore për të gjitha Inspektoratet Shtetërore e ato të Qeverisjes vendore, duhet të përshtat ligjet e praktikat më të mira në fushën e inspektimeve me kritere të matshme për kontrollin e subjekteve dhe me tregues konkret për matjen e performancës së Inspektorëve Shtetërorë.

Z. Arben Shkodra si përfaqësues i unionit të prodhuesve theksoi se biznesi e ka pritur shumë mirë kryerjen e inspektimeve online me dokumente standarde e lista verifikimi të implementuara në sistemin elektronik për Inspektimet Online. Biznesi theksoi ai mbështet çdo përpjekje të reformimit të sistemit të inspektimeve që ka për synim rritjen e transparencës dhe uljen e barrës së biznesit. Biznesi i ndershëm shtoi ai, kërkon rregulla të qarta, e transparente, të unifikuara për të gjithë.

Gjithashtu, në takimin e sotëm shprehën mendimin e pozicionin e tyre si ekspertë te fushave përkatëse edhe Znj. Frosina Gjino, për Punën dhe Sigurinë në Punë; Z. Roland Kristo si ekspert për peshkimin, Z. Vladimir Pasku për fushën e arsimit, Z. Vullnet Haka si biznesmen, Z. Bardhyl Balteza, biznesmen, Z. Arsen Proko si shkencëtar për pyjet, përfaqësues të Biznes Albania, si dhe të Shoqatës së Transportit ndër urban e ndërkombëtar, Z. Kujtim Harshova. Nga ana e Z. Romeo Sherko si biznesmen dhe ekspert I sistemit elektronik për inspektimet online pasi u shpreh vlerësimi I tij për reformimin e sistemit të inspektimeve theksoi nevojën e parashikimit të fondeve të duhura jo vetëm për objektin multifunksional të ndërtesës së re por edhe për programme e sisteme elektronike bashkëkohore që të mbështesin inspektimet online me dokumente standarde e check lista të implementuara në sistemin elektronik për inspektimet online. Po ashtu u shpreh nevoja për përmirësimin gradual të pajisjeve të inspektimeve (tablet e printera elektronik).

Në takim shprehu mendimin dhe vlerësimin e tij lidhur me këtë diskutim të hapur edhe konsulenti anglez pranë Ministrisë së Bujqësisë, Zhvillimit Rural dhe Menaxhimit të Ujërave Z. Rober Connor. Ky ekspert I fushës së veterinarisë shprehu mbështetjen e tij për inspektime me dokumente standarde e check lista të implementuara në sistemin elektronik thjeshtim e standardizim të procedurave, për një sistem inspektimesh të bazuar ne karrierën profesionale të inspektorëve sipas meritës e përvojës, për laboratorë sa më profesionale e të bazuara në ekspertizë.

Si përmbledhje e diskutimeve të mësipërme nga takimi u konkludua se:

1. Inspektoratet Shtetërore dhe trupat apo agjencitë që ushtrojnë funksione inspektuese, pra që prodhojnë akte administrative duhet të ri formatohen/ristrukturohen në bazë të objektit (të fushave) e të qëllimit të inspektimit. Kjo sjell nevojën e uljes së numrit të Inspektorateve Shtetërore;

2. Sistemi I karrierës në inspektime duhet garantuar me ndryshime ligjore dhe duhen specifikuar qartazi kriteret, numrin e viteve për tu ngjitur në karrierë, autoritetin kontrollues e monitorues të performancës së tyre, trajnimin e vazhdueshëm të Inspektorëve shtetëror e atyre vendor;
3. Rritjen e qartësimin e kompetencave të Inspektoratit Qendror si struktura e koordinimit, udhëheqjes metodologjike e dhe mbikëqyrjes së Inspektorateve Shtetërore.
Nga ana e ekspertëve të pranishëm në takim u kërkua sjellja e mendimeve dhe opinioneve te tyre me rrugë elektronike, si dhe diskutimi i materialeve të shpërndara edhe me grupet e tyre të interesit.

Sot në datën 02 Gusht 2017, u zhvillua në ambientet e Inspektoratit Qendror një takim midis Inspektorit të Përgjithshëm Z. Shkëlqim Hajdari si dhe drejtuesve të Projektit për Formulimin, Koordinimin dhe Zbatimin e Politikave anti – Korrupsion pranë Qeverisë Shqiptare, me financim nga BE, Z. Detleff Kreutzer, si dhe me ekspertët e tij.

Inspektori i Përgjithshëm e njohu Z. Kreutzer dhe personat që e shoqëronin me projektet konkrete për ristrukturimin e ri formatimin e Inspektorateve Shtetërore; me projektin mbi ndryshimet ligjore të ligjit mbi Inspektimin në Republikën e Shqipërisë; Projektin për fuqizimin e kapaciteteve dixhitale të sistemit elektronik për inspektimet online si dhe projektin për përmirësimin e kushteve të punës së Inspektorateve Shtetërore. Inspektori i Përgjithshëm, po ashtu prezantoi nevojën për fuqizimin e kapaciteteve të laboratorëve private të akredituar në Shqipëri.

Të gjitha këto ndryshime do të bëjnë të mundur që inspektoratet shtetërore dhe ato vendore të kthehen në trupa profesionale, me sistem karriere, gjë e cila do të bëjë të mundur c ‘rrënjosjen e korrupsionit në fushën e inspektimeve në Shqipëri.

Z. Kreutzer, theksoi se i vlerëson shumë këto projekte bashkëkohore, të standardizuara, që duhet të kenë Inspektoratet Shtetërore dhe shprehu mbështetjen e tij për këto projekte. Ai theksoi se edhe BE, mbështet e po punon fort për eliminimin e korrupsionit në tërë Administratën Shtetërore në Shqipëri.

Znj. Susanne Schütz, Ambasadorja e Republikës Federale të Gjermanisë në Tiranë, priti sot në një takim Inspektorin e Përgjithshëm Z. Shkëlqim Hajdari, pranë ambienteve të kësaj ambasade.
Inspektorin i Përgjithshëm e njohu Znj. Ambasadore me pozicionin ligjor që ka Inspektorati Qendror në raport me Inspektoratet Shtetërore dhe ato pranë qeverisjes Vendore

Ai i paraqiti situatën në të cilën ndodhet Inspektimi në Shqipëri dhe reformat që duhet të ndërmerren në këtë fushë të rëndësishme e me ndikim, në të gjithë sektorët e ekonomisë dhe shoqërisë në tërësi.

Inspektori i Përgjithshëm, theksoi se kjo reformë po kryhet në bashkëpunim me biznesin, me Institucionet Rregullatore të vendeve të Bashkimit Europian, si Gjermania, Franca, Britania e Madhe etj, si dhe me akademikë e profesorë të shquar.
I gjithë materiali po koordinohet me Zyrën e ngritur nga Kryeministri për Menaxhimin e Situatës (ZOS), dhe me Këshilltarin e Kryeministrit për Sigurinë Kombëtare Z. Sandër Lleshi.

Gjatë takimit, Znj Ambasadore u njoh me Projektin e Reformimit të Sistemit të Inspektimit, që bazohet në katër shtylla:
1. Ristrukturimi i Inspektorateve Shtetërore duke ulur numrin e tyre.
2. Ndryshimet e ligjit nr.10433, datë 16.06.2011, “Për Inspektimin në Republikën e Shqipërisë”, duke synuar futjen e elementëve të karrierës në punësim, e ngritjen në detyrë të Inspektorëve Shtetërore.
3. Fuqizimin e kapaciteteve digitale bashkëkohore për të kryer Inspektimet me dokumente standarde, metodika bashkëkohore, bazuar në risk, online, pranë biznesit e në prani të tij.
4. Domosdoshmëria për ngritjen e Laboratorëve Shtetërore të akredituara e të pavarura private për kryerjen e analizave të produkteve, objekte të inspektimit, me paanshmëri e në mënyrë shkencore.
Inspektori i Përgjithshëm theksoi se kjo reformë duke kaluar në këto etapa shmang korrupsionin, klientelizmin dhe rrit transparencën e punës së trupave inspektuese duke formalizuar biznesin e ndershëm në Shqipëri.

Ambasadorja Gjermane, Znj. Susane Schütz e vlerësoi Projektin e Reformimit të Sistemit të inspektimeve në Shqipëri, si një projekt serioz e profesional, për reformimin e trupave të inspektimit, siç janë në vendet e Bashkimit Europian.
Ajo garantoi se Gjermania në kuadër të Projektit të vlerësimit e hartimit të Strategjive për Luftimin e Korrupsionit do të ndihmojë Inspektoratin Qendror me projekte konkrete metodologjike e financiare për realizimin e kësaj reforme.

Inspektori i Përgjithshëm i Inspektoratit Qendror, z. Shkëlqim Hajdari pati nderin të pres sot në një takim në ambientet e Inspektoratit Qendror, Ambasadorin e Jashtëzakonshëm dhe Fuqiplotë të Japonisë në Tiranë SH.T.Z. . Makoto ITO.

Inspektori i Përgjithshëm, pasi i uroi mirëseardhjen dhe suksese në detyrën e re e fisnike si Ambasador i parë rezident i Japonisë në Shqipëri, e informoi z. ITO mbi funksionet e detyrat kryesore të Inspektoratit Qendror, si institucioni bërthamë rregullatore dhe e udhëheqjes metodologjike të të 15 (pesëmbëdhjetë) Inspektorateve Shtetërore. Gjatë vitit të fundit janë bërë përpjekje serioze nga ana e Inspektoratit Qendror për ndryshimin e imazhit të punës së Inspektorateve Shtetërore.

Nga ana e Ambasadori ITO, pasi shprehu vlerësimin e tij për mundësinë e takimit, kërkoi informacion mbi mënyrën e organizimit dhe funksionimit të Inspektorateve Shtetërore, si dhe në mënyrë të posaçme mbi rolin e Inspektoratit Qendror, si Institucion udhëheqës.

Inspektorati Qendror krahas punës me bizneset dhe dhomat e përfaqësimit, përmes Memorandumeve të Bashkëpunimit (MoU), ka kërkuar përfshirjen e vetë bizneseve në procesin e reformimit të Inspektorateve Shtetërore, me synimin për rritjen e transparencës dhe efikasitetit të punës së inspektorateve dhe çfarë është më e rëndësishmja, për reduktimin e barrës administrative të biznesit që vjen nga veprimtaria e agjencive ligj zbatuese në fushën e inspektimeve.

Inspektori i Përgjithshëm shprehu bindjen se industria japoneze e pajisjeve elektronike dhe e aplikacioneve software do të ishte një shembull avant-garde për t’u marrë në konsideratë, përpara se projekti të paraqitet për financim pranë Qeverisë Shqipëtare, në fillim të muajit Shtator, si dhe donatorëve të huaj.

Po ashtu, Inspektori i Përgjithshëm theksoi nevojën për marrjen e informacioneve dhe mundësinë e organizimit të takimeve të drejtë- përdrejta me industrinë Japoneze në fushën e sigurisë ushqimore, si dhe të industrisë së ndërtimit (siguria e ndërtesave dhe e objekteve shtetëtërore e private).
Japonia si vend lider në botë, në fushën e zhvillimit ekonomik, teknologjik e manaxherial ka se çfarë na mëson në kuptimin e shkëmbimit të përvojave e praktikave më të mira lidhur me menaxhimin e kualitetit të lartë e menaxhimit të burimeve njerëzore.

Takimi ishte tejet i përzemërt, duke lënë të hapur komunikimin për vendosjen e kontakteve institucionale me shtetin Japonez, e sipërmarrjet private, që ofrojnë shërbime shtetërore e private (si laboratoret e pavaruara, të çertifikuara ndërkombëtarisht) në Japoni.

Sot më datë 11 Korrik 2017, në ambientet e Inspektoratit Qendror, Inspektori i Përgjithshëm, Z. Shkëlqim Hajdari zhvilloi një takim pune me Drejtorin e Përgjithshëm të Arkivave, Z. Ardit Bido dhe stafin e tij, për kryerjen e inspektimeve online.

Në fjalën e hapjes, Inspektori i Përgjithshëm shprehu mirënjohjen e tij, duke falenderuar publikisht Z. Ardit Bido për bashkëpunimin e frytshëm midis Inspektoratit Qendror dhe Drejtorisë së Përgjithshme të Arkivave, pasi është institucioni shembull që brenda vetëm tre muajve hartoi dhe përshtati dokumentet standarde dhe listë-verifikimet për dokumentimin e veprimtarisë inspektuese, duke formalizuar kështu edhe trupën e 16-të inspektuese në Shqipëri. Gjithashtu, inspektorët e DPA-s kanë përfunduar edhe fazën e trajnimit lidhur me legjislacionin dhe përdorimin e sistemit online të inspektimit.

Cikli për formalizimin e inspektimeve nga DPA-ja, mbyllet sot me shpërndarjen e kartës së inspektorit dhe paketave portabël, si instrumente kyç për kryerjen e veprimtarisë inspektuese online nëpërmjet sistemit unik të inspektimeve “e- Inspektimi”.

Gjithashtu, Z. Hajdari i bëri thirrje subjekteve private dhe publike, si dhe të gjithë Kryeinspektorëve Shtetëror, duke i rikujtuar se tashmë kemi hyrë në fazën e realizimit të inspektimeve online dhe çdo biznes duhet të krijojë kushte për trupat inspektuese në mënyrë të tillë që inspektimi të jetë i ligjshëm dhe të refuzojnë ato inspektorate që realizojnë inspektime të paligjshme me blloqe.

Sot në datën 7 Korrik 2017, u mbajt në ambientet e Inspektoratit Qendror takimi i zgjeruar me Bashkimin e Dhomave të Biznesit dhe Prodhuesve, si dhe përfaqësues të Këshillit të Investimeve, me temë: “Inspektimet online – sfida e përbashkët e biznesit dhe e trupave të inspektimeve”. Ky takim i thirrur Bashkimi i Dhomave të Tregtisë dhe Industrisë së Shqipërisë nën përkujdesjen e në bashkëpunim me Inspektoratin Qendror synoi në rritjen e ndërgjegjësimit të biznesit dhe rritja e transparencës së Inspektorateve Shtetërore në dobi të biznesit privat.

Në fjalën përshëndetëse të Inspektorit të Përgjithshëm, pasi shprehu vlerësimin e
tij dhe Inspektoratit Qendror për rolin pozitiv që kanë marrë Dhomat dhe Bashkimet e Biznesit si përfaqësuese të drejtpërdrejta të interesave të ligjshëm të bizneseve private, u theksua se që nga dita e Hënë, datë 10.07.2017, inspektimet do realizohen vetëm online. Nuk ka me asnjë arsye për mos zbatimin e këtij detyrimi ligjor. Nuk do ketë më inspektime me blloqe pasi tashmë ISH-të janë të pajisura me laptop, printer, shërbim Interneti, si dhe të gjithë inspektorët janë të trajnuar, elemente këto të nevojshme për ta realizuar inspektimin online, duke përdorur sistemin elektronik të inspektimeve “e-Inspektimi”; e gjithë procedura e inspektimit duhet të përfundohet në subjekt, gjithashtu të gjithë inspektorët duhet të jenë të pajisur me kartën e inspektorit. Në rast se nuk zbatohen kërkesat ligjore për një inspektim të rregullt ligjor, inspektorët apo trupat inspektuese do jenë subjet e objekt i shkeljeve të rënda ligjore.

Në fjalën e saj Znj. Ines Muçostepa, Kryetare e Bashkimit të Dhomave të Tregtisë dhe Industrisë së Shqipërisë, duke shprehur vlerësimin e saj për rolin drejtues e koordinues që sipas saj ka marrë Inspektorati Qendror për formalizimin e ekonomisë dhe uljen e barrës së biznesit të ndershëm, kërkoi ndërgjegjësimin dhe qasjen sa më aktive të biznesit në mbështetje të kryerjes së inspektimeve online, në mënyrë transparente, me lista verifikimi e dokumente tashmë të miratuara e të publikuara jo vetëm në faqen e Internetit të Inspektoratit Qendror, por edhe në faqet e Bashkimit të Dhomave të Tregtisë e Industrisë si dhe Dhomave te Biznesit e vetë bizneseve.

Ne si përfaqësues të biznesit do të jemi në mbështetje të nismave dhe reformave ligjore që synojnë rritjen e transparencës së punës së inspektorëve shtetërore dhe ne kemi besim se realizimi i inspektimeve online me dokumenta të standardizuara e lista verifikimi uniforme e transparente, lehtësohet barra e biznesit dhe rriten treguesit e të bërit biznes në një klimë të shëndetshme, jo vetëm për bizneset e sipërmarrjet private vendase por edhe ato ndërkombëtare.

Në kontributet e ndërhyrjet e pjesëmarrësve në takim së pari u shpreh mbështetja për nisma të tilla në procesin e reformimit të inspektimeve që kanë ndikim të drejtpërdrejtë në kosotot e tyre të përditshme, por u shpreh vullnet i mirë për të dhënë kontributin e tyre në rritjen dhe ndërgjegjësimin, veçanërisht të Biznesit të Vogël. Ata thanë se e shohin qasjen e re për minimizimin e korrupsionit dhe klientelizmit nga ana e Qeverisë shqiptare si një nismë që do të ketë mbështetjen e plotë të bizneseve private si dhe Bashkimeve apo Dhomave të tyre përfaqësuese.

Në të njëjtën kohë u shpreh nevoja që krahas reformimit tërësor të trupave të inspektimit, të shihet me përparësi edhe mbështetja me trajtim më të mirë monetar e logjistik për Inspektoratet Shtetërore. Që nga momenti i marrjes në punë dhe përgjatë karrierës së ngritjes në detyrë Inspektori korrekt me zbatimin e ligjit duhet mbështetur e inkurajuar, ashtu sikurse ai inspektor apo grup inspektimi, çështjet (aktet administrative) të të cilit do të anullohen me vendim gjykate do të marrë vlerësim të ulët të performancës së tij.

U shkëmbyen mendime dhe ide lidhur me afatet ligjore të lajmërimit të inspektimit si dhe me afatin e të drejtës për ankimim. Po ashtu përfaqësuesit e biznesit ishin unanim në pozicionin e tyre që organi kolegjial, apo komisioni për shqyrtimin e apelimit të aktit administrativ të shkallës së parë të jetë një trupë profesionale e qendërzuar dhe jo pranë inspektoratit shtetëror që e nxjerr aktin e inspektimit, si akt administrativ.
Biznesi do të paraqesë shumë shpejt pranë Institucioneve të hartimit të politikave si dhe pranë Inspektoratit Qendror propozimet konkrete lidhur me pozicionin e tyre, për ta bërë sa më transparent e eficent procesin e inspektimit, larg klientelizmit dhe ndikimeve politike.

Nga ana e Inspektorit të Përgjithshëm u kërkua bashkëpunim i biznesit e dhomave të tyre ku aderojnë për kryerjen e inspektimeve vetëm online, në mënyrë ligjore e transparente.
Faqja e Internetit e Inspektoratit Qendror http://www.insq.gov.al do të ketë gjithnjë informacione të plota lidhur me çdo veprim dhe procedurë inspektimi konform ligjit.

Gjithashtu, ekspertët e Inspektoratit Qendror do të jenë të gatshëm dhe në dispozicion të biznesit për këshillim e mbështetje, rol të cilin e kanë marrë përsipër edhe Bashkimet si dhe Shoqatat e Biznesit e sipërmarrjes private.