Projekti Rritje Albania /Zhvillimi i Ndërmarrjeve Konkurruese (CED), një projekt i financuar nga USAID-i, synon të fuqizojë rritjen e qëndrueshme ekonomike me bazë të gjerë në Shqipëri. Projekti ndihmon ndërmarrjet jo-bujqësore të bëhen më konkurruese, të rritin shitjet dhe të krijojnë vende të reja pune.

Në vitin 2011, Projekti Rritje Albania bashkëfinancoi Konferencën e 1rë të DPI-së për të rritur ndërgjegjësimin e palëve të interesuara për probleme që lidhen me rëndësinë e DPI-së, si një mjet për promovimin e inovacionit, mjedisit të shëndetshëm dhe konkurrues për biznesin, mbrojtjen e konsumatorit, si dhe rritjen ekonomike dhe konkurrencën.

Në veçanti, prioritetet kryesore për Shqipërinë janë:
• Miratimi i Ligjit të ri për të Drejtat e Autorit Zbatimi efektiv i Ligjit për Inspektimet;
• Rritja e ndërgjegjësimit për problemet e DPI-së dhe trajnim lidhur me zbatimin e DPI-së;
• Miratimi i rregullimeve në Kodin Penal për t’u dhënë prokurorëve të shtetit autoritin që u kërkon detyra për ndjekjen penale të shkeljeve të drejtave të autorit;
• Trajtimi dhe zgjidhja e problemit të piraterisë televizive;
• Krijimi i gjykatave të specializuara për çështje të PI (përfshi ato administrative);
• Përmirësimi i burimeve, trajnimit dhe ekspertizës së Zyrës Shqiptare për të Drejtat e

Autorit dhe Departamentit të DPI-së pranë Doganës Shqiptare
Duke vazhduar me përpjekjet për të rritur ndërgjegjësimin e komunitetit të biznesit mbi çështje që lidhen me të drejtat e pronësisë intelektuale dhe inspektimin, Rritje Albania po organizon një numër tryezash të rrumbullakta në periudhën prill-maj 2013 lidhur me Pronësinë Industriale dhe Reformën e Inspektimit. Në datën 25 Prill u organizua takimi i parë me bizneset e qarkut të Fierit. Rritje Albania po bashkpunon me DPPM-në dhe Inspektoratin Qendror, të cilët do të mbulojnë pjesën e prezantimeve teknike dhe atë me Pyetje & Përgjigje. Përveç marrjes së informacionit të vlefshëm dhe praktik për pronësinë industriale dhe reformën e inspektimit, të gjithë pjesëmarrësve do t’u jepen materiale të ndryshme promocionale të përgatitura nga DPPM-ja dhe Inspektorati Qendror.

Ndër të tjera, sesionet e trajnimit me tryeza të rrumbullakta do t’i ndihmojnë bizneset të kuptojnë rëndësinë e mbrojtjes së Pronësisë Industriale, ku të gjejnë informacion dhe mbështetje, cilat janë rreziqet dhe përfitimet në rast se biznesi regjistron ose jo patentat, markat tregtare, dizajnetenjot industriale, ç’është reforma e inspektimit dhe si duhen informuar bizneset para inspektimit, cilat janë të drejtat dhe detyrimet e tyre, harmonizimi me legjislacionin e BE-së, etj.

Sot u nënshkrua një Marrëveshje Mirëkuptimi ndërmjet Inspektoratit Qendror, Rritje Albania dhe Drejtorisë se Përgjithshme të Patentave dhe Markave Tregtare me titull ” Mbrojtja e Pronësisë Intelektuale dhe Reforma ne Inspektim”.

Biznes Albania, e mbështetur nga projekti Rritje Albania/USAID, do të organizojë në muajt Prill-Qershor disa tryeza të rrumbullakta me pjesëmarrjen e kompanive të interesuara në rrethet Tiranë, Fier, Shkodër, Korçë, Durrës.

Qëllimi është që të rrisim ndërgjegjësimin e kompanive në sektorë të ndryshëm të ekonomisë, në mbrojtjen e pronësisë industriale si dhe një trainim i plotë falas për të njohur procedurat e plota për patentat, markat tregtare, standartet e cilësisë, sistemin e inspektimit qendror, regjistrimin e dizajnit industrial etj.

Ftojmë të interesuar në këto rrethe të shprehin interesimin e tyre për pjesëmarrje në këto tryeza trainimi dhe informimi.

Reforma e Inspektorateve, objektivat e Inspektoratit Qendror, rritje e transparencës në inspektime drejt biznesit.

Inspektorja e përgjithshme flet rreth reformës ne inspektime, për organizimin dhe funksionimin e trupave inspektuese. Kjo reformë synon reduktimin e numrit të trupave inspektuese përmes bashkimit dhe shkrirjes së tyre sipas parimit një inspektorat për një ministri.

Një riorganizim i tillë premton fuqizimin organizativ te trupave inspektuese, përqendrimin e forcave dhe burimeve e rritja e shanseve për koordinim vertikal dhe horizontal. Ndërkaq ky organizim jep efekt edhe në drejtim të shkallës së njohjes dhe informimit të vetë subjektit që inspektohet.

Afati kohor për inspektimin e biznesit do të ulet rreth 15 ditë nga 45 ditë që është aktualisht, gjithashtu sipërmarrja private do te njoftohet 2 dite para për kryerjen e kontrolleve nga ana e inspektorëve.

Intervista e plotë e Inspektores së Përgjithshme në TVSH:

Pjesa e parë e instervistës së Inspektores së Përgjithshme

Pjesa e dytë e instervistës së Inspektores së Përgjithshme

Pjesa e tretë e instervistës së Inspektores së Përgjithshme

Iniciativa Open Government Partnership ( www.opengovpartnership.org ) është lançuar në shtator të vitit të kaluar dhe bashkëkryesohet nga presidentët Barack Obama dhe Dilma Roussef të SHBA-ve dhe Brazilit, me anëtarë të parë, shtetet që kanë firmosur Deklaratën e OGP-së: Indonezia, Meksika, Norvegjia, Filipinet, Afrika e Jugut, Britania e Madhe.
I pranishëm në ceremoninë e lançimit të iniciativës së OGP-së në New York, më 21 shtator 2011, Kryeministri z. Sali Berisha u shpreh: “Shqipëria është një vend që po bën përpjekjet më serioze në drejtim të një qeverisje më transparente. Në këtë Forum, Shqipëria gjen një frymëzim dhe angazhohet të zbatojë një për një të gjitha zotimet e angazhimet që rrjedhin nga anëtarësia në këtë nismë.”

Ndërsa në letrën e pranimit të Shqipërisë në OGP, datuar në 2 gusht 2011, ministri për Inovacionin dhe TIK z. Genc Pollo shkruan ndër të tjera: “Vendi im, vitet e fundit ka shënuar arritje në luftën kundër korrupsionit dhe kthimin e qeverisjes në më të hapur dhe transparente për qytetarët. Jam i sigurt që pjesmarrja e Shqipërisë në OGP do të bëjë të mundur që të mësojmë nga eksperiencat e vendeve të tjera dhe gjithashtu Shqipëria t’i paraqesë vendeve anëtare apo aspirante në OGP sfidat dhe sukseset e saj në këtë fushë.”
Ne zbatim te Urdherit te Kryeministrit Nr. 104, date 28.12.2011, eshte ngritur Grupit Nderinstitucional te Punes per Hartimin e Planveprimit “Partneritet per Qeverisje te Hapur” dhe me ane te Urdherit te Kryeministrit Nr. 14, date 20.02.2013, “Per nje shtese dhe ndryshim ne Urdherin 104, date 28.12.2011, te Kryeministrit “Per ngritjen e Grupit Nderinstitucional te Punes per Hartimin e Planveprimit “Partneritet per Qeverisje te Hapur””, Inspektorja e Pergjithshme behet anetare e ketij Grupi Nderinstitucional.

Ne linkun e meposhtem do te gjeni angazhimin e Qeverise Shqiptare per nje Partneritetit për Qeverisje te Hapur, OGP, e cila është një nismë e re shumëpalëshe që synon të sigurojë angazhime konkrete nga ana e qeverive për të nxitur transparencën, fuqizimin e qytetarëve në vendimmarrje, luftën kundër korrupsionit, dhe të shfrytëzojë teknologjitë e reja për të forcuar qeverisjen, angazhim i cili shprehete me projektin konkret te portalit ” e-inspection” i cili po ngrihet dhe do te mbahet nga Inspektorati Qendror.

http://www.opengovpartnership.org/commitments/e-inspection-portal/
Bashkëlidhur gjeni:

Urdhri nr. 14 datë 20.02.2013 “Për një shtesë dhe ndryshim në urdhrin nr.104 datë 28.12.2011, të Kryeministrit, “Për ngritjen e grupit ndërinstitucional të punës për hartimin e plan veprimit “Partneritet për Qeverisje të Hapur”

Urdhrin nr. 104 datë 28.12.2011 të Kryeiministrit, “Për ngritjen e grupit ndërinstitucional të punës për hartimin e plan veprimit “Partneritet për Qeverisje të Hapur

Me date 15.02.2013, Drejtori i Misionit USAID/Shqipëri, Jim Barnhart, dhe Inspektorja e Përgjithshme, Mimoza Hajdarmataj, nënshkruan një marrëveshje për të mbështetur sistemin e E-Inspektimit në Shqipëri. Në fjalën e tij, Ministri për Inovacionin dhe Teknologjinë e Informacionit e të Komunikimit, Genc Pollo, theksoi rëndësinë që kanë nismat “e-qeverisje” për një qeverisje të hapur, dhe rolin që luan Inspektoriati Qendror në rritjen e transparencës. Barnhart vuri në pah rëndësinë e reformës së inspektimit dhe faktin që, për herë të parë, Qeveria e SHBA-së po jep asistencë nëpërmjet sistemeve të Qeverisë Shqiptare. Me anë të kësaj marrëveshjeje, USAID-i do t’i ofrojë Inspektoriatit Qendror 260 Paketa Portabël të Inspektimit, që përbëhen nga kompjutera laptop dhe nga skanera e printera portabël. Inspektorët do t’i përdorin këto paketa në terren, për inspektime eficiente, on-line dhe në kohë reale.

Inspektimet shtetërore janë jetike për të siguruar që rregulloret në mbrojtje të shëndetit të njerëzve, të sigurisë dhe të mjedisit, të jenë funksionale. Por, në Shqipëri, procesi i inspektimit zgjat shumë dhe u kushton bizneseve, të cilat harxhojnë mesatarisht 45 ditë në vit për t’u vënë në dispozicion të inspektimeve të ndryshme.

Për të përmirësuar transparencën dhe për të rritur efektshmërinë e inspektimeve shtetërore të bizneseve dhe të institucioneve, Qeveria e Shqipërisë krijoi, në vitin 2011, Inspektoriatin Qendror, për të bashkërenduar dhe përmirësuar cilësinë e të gjitha inspektimeve. Si pjesë e kësaj reforme, ajo filloi gjithashtu punën për ngritjen e “Portalit të E-Inspektimit”, që konsiston në pajisje e programe elektronike dhe në politika e procedura që ndihmojnë inspektorët shtetërorë të bashkërendojnë, të zhvillojnë dhe të monitorojnë inspektimet në mënyrë të besueshme dhe transparente.

Projekti është unik në këtë lloj, sepse është hera e parë që USAID/Shqipëri do të përdorë sistemet e shtetit shqiptar të prokurimit dhe të financave, për kanalizimin e fondeve të SHBA-së, të destinuara për asistencën për zhvillim.

Bashkëlidhur gjeni fjalimin e plotë të Inspektores së Përgjithshme, Zj. Mimoza HAJDARMATAJ

Reforma e Inspektorateve, objektivat e Inspektoratit Qendror, rritje e transparencës në inspektime drejt biznesit.

Inspektorja e përgjithshme flet rreth reformës ne inspektime, për organizimin dhe funksionimin e trupave inspektuese. Kjo reformë synon reduktimin e numrit të trupave inspektuese përmes bashkimit dhe shkrirjes së tyre sipas parimit një inspektorat për një ministri. Një riorganizim i tillë premton fuqizimin organizativ te trupave inspektuese, përqendrimin e forcave dhe burimeve e rritja e shanseve për koordinim vertikal dhe horizontal. Ndërkaq ky organizim jep efekt edhe në drejtim të shkallës së njohjes dhe informimit të vetë subjektit që inspektohet.

Afati kohor për inspektimin e biznesit do të ulet rreth 15 ditë nga 45 ditë që është aktualisht, gjithashtu sipërmarrja private do te njoftohet 2 dite para për kryerjen e kontrolleve nga ana e inspektorëve.

Intervista e plotë e Inspektores së Përgjithshme në TV-SCAN