Sot në datën 23 Shkurt 2017 u zhvillua procesi i dhënies së kartave të inspektorit për Inspektorët e Inspektoratit Shtetëror Teknik Industrial

Z. Shkëlqim Hajdari gjatë fjalës së tij për dhënien e kartave inspektor për inspektorët e Inspektoratit Shtetëror Teknik dhe Industrial theksoi faktin se Inspektorati Qendror e ka detyrim ligjor dhënien e kartave me elementet e sigurisë, si dhe publikimin e regjistrit me  të dhënat e plota të kartave të inspektorëve në portalin “e-Inspektimi” për inspektimet online prej të cilit bizneset individi dhe qytetari kanë mundësi të aksesojnë e të kontrollojnë të dhënat e secilit Inspektor.

Inspektori i pajisur me kartën e inspektorit, me logjistikë më bashkëkohore, dhe me mjetet teknologjike më bashkëkohore të portalit unik të inspektimeve, me logjistikën e nevojshme për të lëvizur lehtësisht në territorin e vendin, me status të mbrojtur e trajtim më të mirë në paga, do ta bëjnë më transparent e efektiv procesin e inspektimeve.

Në takimin e zhvilluar sot në datën 23 Shkurt 2017 në mjediset e Inspektoratit Qendror ishin ftuar Kryeinspektori i Drejtorisë së Shërbimeve Veterinare në Ministrinë ë Bujqësisë, Zhvillimit Rural dhe menaxhimit të Ujërave, Z. Edi Ferro, së bashku me të 13 Kryeinspektorët e Shërbimit Veterinar në të 13 Drejtoritë Rajonale të Bujqësisë në rrethe.

Në takim u përmenden si prioritete të punës së kësaj Drejtorie, të Inspektorateve përkatëse Shtetërore, e të Inspektoratit Qendror formalizimi dhe disiplinimi i trajtimit të të gjithë zinxhirit për produktet me origjinë shtazore, nën drejtimin metodologjik të Inspektoratit Qendror:
Do të kërkohet krijimi i një regjistri, për të gjithë vendin për matrikullimin e çdo kafshe, si dhe ndjekja dhe gjurmimi i sëmundshmërisë së tyre;

Kontrolli dhe formalizimi i farmacive bujqësore të cilat trajtojnë me barna e medikamente për kafshët e produktet me origjinë shtazore;
Disiplinimi dhe formalizimi i transportit të kafshëve për prodhimin e produkteve e nënprodukteve të mishit, si dhe therja dhe tregtimi i tyre vetëm sipas rregullave dhe kushteve të përcaktuara nga organet përkatëse shtetërore e vendore.

Fillimisht me integrimin e këtij Inspektorati në portal Inspektorët e Drejtorisë së Shërbimit Veterinar do të kenë mundësinë e praktikimit pranë ambienteve të tyre të punës. me portalin për inspektimet online.

Inspektori i Përgjithshëm krahas dhënies së kartave të inspektimit theksoi se Inspektimet do të kryhen online për të garantuar transparencë e profesionalizëm, jashtë klientelizmit, e ndikimeve politik, me synimin për ndryshimi një herë e mirë të historisë së trajtimit të kafshëve, e produkteve me origjinë shtazore.

Partneriteti biznes Inspektorate përmes inspektimeve online do të sjellë rezultate të prekshme për produkte me origjinë shtazore më të sigurta, si dhe për mjedise më të pastra e të sigurta ku trajtohen produktet me origjinë shtazore.

Sot në datën 22 Shkurt 2017, me kërkesë të Zj. Arnisa Tepelija, ndihmëse në Projektin për Formulimin, Koordinimin dhe Zbatimin e Politikave anti – Korrupsion, u zhvillua në ambientet e Inspektoratit Qendror një takim midis Inspektorit të Përgjithshëm Z. Shkëlqim Hajdari dhe Znj. Lena Andersson, Eksperte Afat Mesme e Projektit.

Takimi ishte informues lidhur me përfshirjen e Inspektoratit Qendror për trajnime e fuqizim kapacitetesh, si dhe mundësimin e përfshirjes së Inspektoratit Qendror si pjesë e Projektit të Formulimit e Zbatimit të Politikave Anti Korrupsion, së afërmi.

Nga ana e bashkëbiseduesve u shkëmbyen mendime lidhur me inspektimet, me sfidat e Inspektoratit Qendror, si dhe me përcaktimin më ta qartë ligjor të përgjegjësive dhe kompetencave qoftë të Inspektoratit Qendror ashtu edhe të Inspektorateve Shtetërore.

Me interes ishte shkëmbimi i mendimeve dhe të dhënave lidhur me tregues të raportuar të punës së Inspektorateve Shtetërore, që kanë dalë gjatë analizave të punës së Inspektorateve Shtetërore e raportimeve të tyre periodike pranë Inspektoratit Qendror.

Nga ana e Znj. Andersson u kërkua informacion lidhur me fushat e nevojave për trajnime, ndërsa nga ana e Inspektorit të Përgjithshëm u theksua nevoja e njohjes me praktikës apo praktikave më të mira në fushën e Inspektimeve në nivel të Bashkimit Europian. Po ashtu nga ekspertja u kërkua ndihmë për ngritje kapacitetesh, me qëllim rritjen e ndërgjegjësimit për punën e Inspektoratit Qendror të Inspektorateve Shtetërore, si dhe ndarjen e kompetencave për Inspektorët pranë të 61 Bashkive të vendit.

Sot më datë 22 Shkurt 2017, u zhvillua në mjediset e Inspektoratit Qendror takimi ndërmjet Inspektorit të Përgjithshëm, Z. Shkëlqim Hajdari dhe Zv. Ambasadorit të shtetit të Izraelit Z. Yuval Fischer, si dhe Z. Nensi Shyti, Kryetar i Departamentit Ekonomik pranë Ambasadës së Izraelit në Tiranë.
Fillimisht nga ana e Inspektorit të Përgjithshëm u bë një paraqitje e punës, përpjekjeve dhe sfidave të Inspektoratit Qendror nën drejtimin e Z. Hajdari, për reformimin e sistemit të inspektimeve të të gjithë Inspektorateve Shtetërore, si dhe udhëzimin e trajnimin e inspektorëve pranë njësive të Bashkive (61 në total).

Sfida e Inspektoratit Qendror për inspektime online, për më shumë transparencë e efektivitet të grupeve të inspektimeve është një sfidë që kërkon angazhimin ë plotë të Inspektoratit Qendror, sfidë që ka gjetur mirëkuptimin dhe mbështetjen e bizneseve dhomave të tyre të tregtisë si dhe të vetë drejtuesve të Inspektorateve Shtetërore.

Nga ana e Inspektorit të Përgjithshëm u kërkua prej përfaqësuesve të shtetit të Izraelit mundësimi i vendosjes së kontakteve me Institucionin homolog përgjegjës për Inspektimet, si dhe me firmat më të njohura në fushën e ICT në shtetin e Izraelit për ofrimin e shërbimit të pozicionimit gjeografik (GPS) të grupeve të Inspektimit, të Internetit, si dhe në një të ardhme të afërt për regjistrimin elektronik audio medial të të gjithë procesit të Inspektimit në vendin e punës të subjektit, në prani të përfaqesuesit të vetë subjektit. Po ashtu, u kërkua rritja ë shkëmbimeve për ekspertizë ë përvojë nga shteti i Izraelit.

Nga ana e Inspektorit të Përgjithshëm u shpreh bindja se rezultatet konkrete të rritjes së transparencës dhe efektivitetit të inspektimeve do të vijnë në dobi të vetë bizneseve si dhe të vetë konsumatorit shqiptar, më ilaçe e ushqime të sigurta, për mjedis e ujëra të pastra, për më pak ndotje e më shumë siguri në vendet e punës, e në miniera, për një territor të gjelbëruar e në shërbim të qytetarit.

Trupat dhe grupet e inspektimit kanë nevojë për rritje të kapaciteteve dhe logjistikë ë mbështetje institucionale në kryerjen e detyrave të tyre, kanë nevojë për një trajtim më të mirë me paga e përmirësim të perceptimit të biznesit e publikut për punën e veprimtarinë e tyre.
Në takim u ra dakord për dërgimin nga ana e Inspektoratit Qendror të listës së nevojave e prioriteteve në vëmendje të Ambasadës së Izraelit.

Në takimin e zhvilluar sot me datë 17 Shkurt 2017, në ambientet e Inspektoratit Qendror ndërmjet Inspektorit të Përgjithshëm Z. Shkëlqim Hajdari dhe Z. Ilirian Kokeri Kryetar i Dhomës Izraelite të Tregtisë u prezantuan prioritetet dhe përpjekjet e Inspektoratit Qendror për formalizimin e inspektimeve, realizimin online të tyre nga të gjitha Inspektoratet Shtetërore me synimin për rritjen e transparencës dhe efektivitetit të ekipeve të inspektimit të të gjitha Inspektorateve Shtëtërore.
Inspektorati Qendror si institucion nën vartësinë e Kryeministrit i krijuar me ligjin 10433 “Për Inspektimin në Republikën e Shqipërisë” bën drejtimin metodologjik dhe mbikqyrjen e punës së Inspektorateve Shtetërore (15 Inspektorate me 1500 Inspektorë), si dhe të Inspektorëve pranë 61 Bashkive të vendit (rreth 500 Inspektorë). Po ashtu, Inspektorati Qendror në zbatim të germës “gj”, neni 16 të ligjit 10433, ka ndërtuar e mirëmban portalin unik për realizimin e inspektimeve online.
U prezantuan si prioritete të punës së Inspektoratit Qendror për kryerjen e inspektimeve online dhe rritjen e kapaciteteve të Inspektorateve Shtetërore dhe atyre të 61 Bashkive (Inspektorët Vendor):

Vendosja e kontakteve dhe shkëmbimeve Institucionet hologe në fushën e inspektimeve të Izraelit, me synimin për shkëmbimin e përvojave dhe mbi të gjitha për vendosjen e kontakteve me industrinë avantgarde të pajisjeve e sistemeve elektronike të Shtetit të Izraelit.

Po ashtu në takim u kërkua ndihma dhe mbështetja e Dhomës së Tregtisë, si dhe e biznesit Izraelit për:
Mundësimin e ofrimit të shërbimit Internet për 750 grupe Inspektimi, përmes Modemeve USB Wireless (të Inspektorateve Shtetërore dhe atyre pranë Bashkive);

Mundësimin ofrimit të shërbimit për pozicionimin gjeografik të 750 grupeve të Inspektimit (të Inspektorateve Shtetërore dhe atyre pranë Bashkive) në të gjithë vendin, shërbimi GPS;

Mundësimi i mbështetjes me logjistikë për Inspektoratet Shtetërore, mjete lëvizëse (100- 150)- makina për 150 grupe Inspektimi (të Inspektorateve Shtetërore dhe atyre pranë Bashkive);

Për mundësimin e realizimit të regjistrimeve audio multimediale në portalin e inspektimeve online kërkohet mbështetje nga Bizneset dhe Dhomat e Tregtisë, vendase dhe të huaja, për të bërë vlerësimin e gjendjes egzistuese, shtimin dhe fuqizimin e kapacitetit (hardware dhe software) të infrastrukturës fizike e të Programeve të portalit unik të inspektimeve (e-Inspektimi), me Storage, Servers, Switch-Routers;

Gjithashtu, nga ana e Inspetkoratit Qendror konsiderohen me përparësi në planet afatshkurtra, si mundësimi i regjistrimit dhe gjurmimit elektronik online, në vendin e inspektimit të të gjithë procesit të Inspektimit (regjistrimi përmes kamerave mobile të procesit të inspektimit online, në vendin e inspektimit dhe në prani të biznesit);

Si pjesë e punës prioritare të Inspektoratit Qendror është edhe pajisja me Tableta e Inspektorëve vendore e shtetërore, të cilët do të mundësojnë pozicionimin gjeografik dhe regjistrimin online (në kohë reale) të të gjithë procesit të inspektimit për të gjitha grupet e Inspektimit të Qeverisjes Vendore, si dhe integrimi i aplikacioneve në portalin e- Inspektimi.

Në takim u ra dakord për nënshkrimin e një Memorandumi Bashkëpunimi ndërmjet Inspektoratit Qendror dhe Dhomës Izraelite të Tregtisë.

Në takimin e zhvilluar sot me datë 16 Shkurt 2017, në ambientet e Inspektoratit Qendror ndërmjet Inspektorit të Përgjithshëm Z. Shkëlqim Hajdari dhe Z. Zenel Hoxha, President dhe Drejtor Egzekutiv i Dhomës Britanike të Tregtisë, u prezantuan prioritetet dhe përpjekjet e Inspektoratit Qendror për formalizimin e inspektimeve, realizimin online të tyre nga të gjitha Inspektoratet Shtetërore për rritjen e transparencës dhe efektivitetit të ekipeve të inspektimit të të gjitha grupeve të Inspektimit të Inspektorateve Shtëtërore.

Inspektorati Qendror si institucion nën vartësinë e Kryeministrit me ligjin 10433 “Për Inspektimin në Republikën e Shqipërisë” bën drejtimin metodologjik dhe mbikqyrjen e punës së Inspektorateve Shtetërore (15 Inspektorate me 1500 Inspektorë), si dhe të Inspektorëve pranë 61 Bashkive të vendit (rreth 500 Inspektorë). Po ashtu, Inspektorati Qendror në zbatim të germës “gj”, neni 16 të ligjit 10433, ka ndërtuar e mirëmban portalin unik për realizimin e inspektimeve online.
U prezantuan si prioritete të punës së Inspektoratit Qendror për kryerjen e inspektimeve online dhe rritjen e kapaciteteve të Inspektorateve Shtetërore dhe atyre të 61 Bashkive (Inspektorët Vendor):

Vendosja e kontakteve dhe shkëmbimeve me botën akademike në fushën e inspektimeve të Britanisë së Madhe, me synimin për organizimin e një Konference Rajonale të vendeve të rajonit të Ballkanit Perëndimor, nën bashkëdrejtimin e Inspektoratit Qendror si dhe të Departamentit Britanik për Inspektimet, brenda gjashtë mujorit të dytë të vitit 2017.
Po ashtu në takim u kërkua ndihma e Dhomës Britanike të Tregtisë për:
Mundësimin e ofrimit të shërbimit Internet për 750 grupe Inspektimi, përmes Modemeve USB Wireless (të Inspektorateve Shtetërore dhe atyre pranë Bashkive);

Mundësimin ofrimit të shërbimit për pozicionimin gjeografik të 750 grupeve të Inspektimit (të Inspektorateve Shtetërore dhe atyre pranë Bashkive) në të gjithë vendin, shërbimi GPS;

Mundësimi i mbështetjes me logjistikë për Inspektoratet Shtetërore, mjete lëvizëse (100- 150)- makina për 150 grupe Inspektimi (të Inspektorateve Shtetërore dhe atyre pranë Bashkive);

Për mundësimin e realizimit të regjistrimeve audio multimediale në portalin e inspektimeve online kërkohet mbështetje nga Bizneset dhe Dhomat e Tregtisë, vendase dhe të huaja, për të bërë vlerësimin e gjendjes egzistuese, shtimin dhe fuqizimin e kapacitetit (hardware dhe software) të infrastrukturës fizike e të Programeve të portalit unik të inspektimeve (e-Inspektimi), me Storage, Servers, Switch-Routers;
Gjithashtu, nga ana e Inspetkoratit Qendror konsiderohen me përparësi në planet afatshkurtra, si mundësimi i regjistrimit dhe gjurmimit elektronik online, në vendin e inspektimit të të gjithë procesit të Inspektimit (regjistrimi përmes kamerave mobile të procesit të inspektimit online, në vendin e inspektimit dhe në prani të biznesit);

Si pjesë e punës prioritare të Inspektoratit Qendror është edhe pajisja me Tableta e Inspektorëve vendore e shtetërore, të cilët do të mundësojnë pozicionimin gjeografik dhe regjistrimin online (në kohë reale) të të gjithë procesit të inspektimit për të gjitha grupet e Inspektimit të Qeverisjes Vendore, si dhe integrimi i aplikacioneve në portalin e- Inspektimi.

Në takim u ra dakord për nënshkrimin e një memorandumi bashkëpunimi ndërmjet Inspektoratit Qendror dhe Dhomës Britanike të Tregtisë.

Në takimin e sotëm, datë 16 Shkurt 2017, nga ana e drejtuesve të Inspektoratit Qendror, u theksua angazhimi i plotë i Inspektoratit Qëndror për realizimin e inspektimeve online, onsite, në vendin e inspektimit, aty ku biznesi zhvillon aktivitetin e tij fitimprurës, si dhe pajisja e grupeve të inspektimit me Internet e pajisje të pozicionimit gjeografik (GPS) për gjurmimin në kohë reale të punës së tyre.