Me ftesën e Inspektorit të Përgjithshëm të Inspektoratit Qendror, Z. Shkëlqim Hajdari, zhvilloi në Tiranë një vizitë 2(dy) ditore, Z. Michel Rouzeau, Inspektori i Përgjithshëm i Inspektoratit të Përgjithshëm të Administratës-IGA në Francë.

Inspektorati Qendror, gjatë dy viteve të fundit, ka punuar për ndërtimin e një bashkëpunimi të hapur me të gjitha Inspektoratet e Vendeve të Rajonit si dhe me Inspektoratin e Përgjithshëm të Administratës të Francës dhe atë të Britanisë së Madhe.

Vizita e Z. Michel Rouzeau vjen si arritje me nënshkrimin e Memorandumit të Mirëkuptimit, midis Inspektoratit Qendror dhe atij Frances-IGA, për Administratën. Pjesa më e rëndësishme e aktiviteteve të vizitës së homologut Francez, u zhvilluan me datë 1 Shkurt 2018, në ambjentet e Hotel Plazza, në Tiranë, nën drejtimin e Zv. Kryeministres Znj. Senida Mesi, të të gjithë drejtuesve të Dhomave të biznesit vendase dhe të huaja, të Shoqatave të Prodhuesve vendase e të huaja, të Kryeinspektorëve dhe drejtuesve rajonalë të Inspektorateve Shtetërore, si dhe të Ambasadorëve dhe përfaqësuesve të trupit diplomatik të akredituar në Shqipëri.

Në fjalën e saj përshendetëse Znj. Mesi përmendi angazhimin e Qeverisë për përmirësimet e shërbimeve ndaj sipërmarrjes dhe qytetarit. Znj. Mesi, po ashtu solli në vëmëndje punën e grupeve te ngritura (ndërqeveritare dhe teknike), për reforminin e Inspektorateve Shtetërore dhe Agjensive me funksione inspektuese, si në nivel qendror dhe vendor duke theksuar nevojën për ndryshime ligjore, për fuqizim kapacitetesh dhe vecanërisht për trajnime.

Në fjalën e tij, Inspektori i Përgjithshëm i Inspektoratit të Përgjithshëm të Administratës-IGA në Francë, Z. Michel Rouzeau, pasi shprehu vlerësimin e tij për përpjekjet dhe arrtijet e Inspektoratit Qendror, theksoi se nëpërmjet këtij Memorandumi Mirëkuptimi, qeveria Franzeze do të mbështesë në të gjitha etapat procesin e reformimit të sistemit të inspektimeve në Shqipëri, me ekspertët dhe përvojën më të mirë Franceze.

Në fjalën e tij, Inspektori i Përgjithshëm i Inspektoratit Qendror, Z. Shkëlqim Hajdari, pasi falenderoi Z. Rouzeau, theksoi se puna dhe përpjekjet për reformimin e Inspektorateve Shtetërore, do të rrisi efektivitetin dhe transparencën në fushën e inspektimeve, me dokumenta e listë verifikimi, me procese të rregullta administrative dhe kryerjen e inspektimve online, pranë dhe në prani të biznesit, duke ulur barrën administrative ndaj këtij të fundit.  Inspektimet online, bazuar në metodologjine e vlerësimit të rriskut, do të jenë mënyra e vetme për kryerjen e inspektimeve të ligjshme, të cilat do të shmangin korrupsionin, klientelizmin dhe ulin barrën ndaj biznesit.

E ngarkuara me punë në Ambasadën e Francës, Znj. Isabelle LeGuellec, shprehu vlerësimin dhe mbështjen e Ambasadës Franceze, për implementimin e plotë të Memorandumit të Nënshkruar.

Përpara nënshkrimit të Memorandumit të Mirëkuptimit, morën fjalën disa nga drejtuesit dhe përfaqësuesit  e dhomave shqiptare të biznesit (Z. Luan Bregasi, President i Biznes Albania, Znj. Ines Muçostepa, Presidente e Dhomave të Tregtise dhe Industrisë, si dhe Z. Nikolin Jaka, Kryetar i Dhomës së Tregtisë dhe Industrisë Tiranë). Në fjalën e tyre, këta përfaqësues dhe drejtues të sipërmarrjes private në Shqipëri, shprehën mbështejtjen e tyre të plote dhe vlerësimin për punën e bërë nga Inspektori i Përgjithshëm i Inspektoratit Qendror dhe stafi i tij.

Nënshkrimi i Memorandumit të Mirëkuptimit, u nënshkrua në prani të mediave dhe gjeti pasqyrim të plotë në median e shkruar dhe atë vizive.

Po në datën 1 Shkurt 2018, Inspektori i Përgjithshëm i Administratës së Francës, Z. Michel Rouzeau, pasi ndoqi nga afër një inspektim të kryer online, në ambjentet e gjimnazit Qemal Stafa, nga inspektorët e Inspektoratit Shtetëror të Arsimit, zhvilloi takime edhe me zv. Ministren e Drejtësisë Znj. Teuta Vodo si dhe Znj. Albana Koçiu, Drejtore e Departamentit të Administratës Publike – DAP, si dhe me Z. Fatmir Demneri, Drejtor i Shkollës së Administratës Publike. Në takimin me Znj. Vodo, Zv Ministre e Drejtësisë, si dhe Koordinatore e Grupit ndërministror të hartimit të politikave anti – korrupsion, u theksua nevoja e ngritjes së një Administrate për Inspektime, sa më profesionale, me shkathtësitë dhe njohuritë e nevojshme, larg ndikimeve klienteliste dhe nepotike, për minimizimin e fenomeve të korrupsionit. Qeveria Shqipatare është e vendosur ta pastrojë administratën nga elementët korruptivë, duke synuar procese rekrutimi bazuar në merita e vlera, një trajtim më të denjë për inspektorët me paga dhe logjistikë, si dhe në sistem karriere bazuar në performancën e punës së kryer- theksoi Znj. Vodo.

Znj. Abana Kociu, Drejtore e Departamentit të Admisnitratës Publike,  pasi shprehu vlerësimin e saj për kontributin e Republikës së Francës ndaj Administratës Publike Shqiptare, vlerësoi nënshkrimin e memorandumit të mirëkuptimit midis Inspektoratit Qendror dhe Inspektoratit të Përgjithshëm të Administratës-IGA, Franceze, si një garanci për rritjen e shkëmbimeve dhe përfitimin e përvojës më të mirë Franceze për procesin e rekrutimit dhe rritjes së përformancës së punës së Inspektorateve Shtetërore.

Në datën 02 shkurt 2018, u zhvilluan takime, fillimisht me Z. Bledi Klosi, Ministër i Turizmit dhe Mjedisit, si dhe me Sekretarin e Përgjithshëm Z. Plarent Ndreca, në Ministrinë e Turizmit dhe Mjedisit. Ministri Klosi, pasi prezantoi nismën ambicioze për pastrimin dhe gjelbërimin e Shqipërise( Clean and green 2020), shprehu vendosmërinë e tij për mbështetjen e punës së Inspektoratit Shtetëror të Mjedisit, Pyjeve dhe Ujërave – ISHMPU, si dhe nevojën për forcimin e rolit të Inspektoratit Qendor, si organ drejtues e rregullator për të gjitha Inspektoratet Shtetërore.

Më pas, Inspektori i Përgjithshëm i Inspektoratit të Përgjithshëm të Administratës-IGA në Francë, Z. Michel Rouzeau, zhvilloi një orë leksioni të hapur me stundentët dhe pedagogët e Universitetit “New York”.

Në takimin vijues, me Z. Shkëlqim Ganaj, Inspektor i Përgjithshëm i ILDPKI, u theksua nevoja për rritjen e bashkëpunimeve dhe shkëmbimeve midis Institucioneve ligjzbatuese, me qëllim rritjen e profesionalizmit dhe pavarësisë së inspektorëve në punën e tyre, larg ndikimeve politike.

Një takim i frytshëm u zhvillua dhe në ambjentet e AKEP-it, me Z. Ilir Zela, Ish-Inspektor i Përgjithshëm i Inspektoratit Qendror, aktualisht Kryetar i Bordit dhe Drejtor Ekzekutiv i AKEP-it.

Gjatë drekës, u zhvillua një vizitë, në një nga sipërmarrjet private të rëndësishme në fushën e përpunimit të peshkut dhe produkteve të tij, në Elbasan. Gjatë kësaj vizite nga Z. Roland Kristo, Zv. Ministër i Bujqësisë dhe i Zhvillimit Rural, u shpalos platforma e qeverisë për mbështetjen e sektorit të peshkimit dhe nxitjen e sipërrmarrjes.

Takimi përmbledhës i vizitës së Inspektorit të Përgjithshëm të Inspektoratit të Përgjithshëm të Administratës-IGA në Francë, Z. Michel Rouzeau, u zhvillua me Znj. Romina KUKO, zv. Ministër i Punëve të Brëndshme. Në këtë takim u shreh nevoja për reformimin e Inspektorateve vendore dhe agjencive që krejnë funksione inspektuese, me qëllim përmirësimin dhe sigurinë e jetës së qytetarit.

Sot, më datë 10 Janar 2018, në ambientet e Ministrisë së Drejtësisë, ku ka qenë i ftuar Inspektorati Qendror, u zhvillua takimi i 4-t i Komitetit Drejtues të Projektit të Binjakëzimit të financuar nga BE-ja “Mbështetje për formulimin, bashkërendimin dhe zbatimin e politikave anti-korrupsion”, të kryesuar nga Zëvendësministre Znj. Teuta Vodo dhe më pjesëmarrjen e Znj. Vilma Petro, Këshilltar i Ministrit të Drejtësisë, Z. Pirro Vengu, Drejtoria e Antikorrupsionit në Kryeministri, dhe Komitetit Drejtues të Projektit Z. Helmut Weichhart, Z. Peter Weis, Z. Detlef Kreutzer, Znj. Lena Anderson dhe Z. Johannes Windisch.
Në këtë takim, Z. Shkëlqim HAJDARI, prezantoi gjendjen dhe sfidat që i është dashur të menaxhojë sapo morri detyrën si Inspektor i Përgjithshëm, si dhe arritjet e Inspektoratit Qendror kohë pas kohe duke formalizuar inspektimet me dokumente standarde, listë verifikimi, të pajisur me kartën e inspektorit, online dhe me bazë risku, duke e kthyer tashmë në një proces të rregullt administrativo ligjor.

Duke marrë parasysh objektivat kryesore të Inspektoratit Qendror, në shmangien e korrupsionit, klientelizmit dhe praktikat abuzive ndaj biznesit, Z. Hajdari shpalosi dy projekte të cilat do të godasin abuzivizmin e trupave jo profesionalë të inspektimit apo edhe korrupsionin nga biznese jo të ndershme:
– Projekti i Sistemit Elektronik për Inspektimet online, me regjistrim të plotë të procesit inspektues (audio, data, video). Ky projekt përfshin pajisjen e inspektorëve me Tableta e Printer Termik, e cila synon që të arrihet performancë më e rritur dhe transparencë e fleksibilitet në punën e inspektorëve; Regjistrimi dhe ruajtja e të dhënave të të gjithë procesit inspektues do të realizohet në audio & video deri kur vendimi administrativ do të marrë formën e prerë; Do të bëhet e mundur identifikimi i pozicionimit gjeografik të të gjithë procesit inspektues në vendin ku subjekti e zhvillon aktivitetin dhe jo nga zyrat e inspektorëve
– Projekti i godinës së re multifunksionale për grupimin e inspektorateve shtetërore, i cili do të ofrojë: përmirësimin e efektivitetit dhe përgjegjshmërisë së veprimtarisë së inspektimit duke ofruar për biznesin dhe qytetaret shërbim sipas standardeve Evropiane; grupimin e inspektorateve shtetërore duke rritur bashkëpunimin e të gjitha trupave inspektuese dhe realizimin e inspektimeve të përbashkëta me kosto sa më të ulët administrative; pajisje me mjete më cilësore transporti si dhe elektronike për ekipet inspektuese; efiçencë dhe përgjegjshmëri në reagimin ndaj kërkesave/ankesave të qytetarëve/bizneseve etj.

Këto projekte gjetën mbështetjen e plotë nga përfaqësuesit e Qeverisë Shqiptare dhe anëtarët përfaqësues të Bashkimit Europian në këtë takim.

Inspektori i Përgjithshëm: Fund inspektimeve të paligjshme dhe korruptive

Sot, më datë 01 Nëntor 2017, në ambientet e Inspektoratit Qendror, Inspektori i Përgjithshëm Z. Shkëlqim HAJDARI, zhvilloi takimin e përmuajshëm të punës me Kryeinspektorët e Inspektorateve Shtetërore për vijueshmërinë e inspektimeve on-line.

Në fjalën e hapjes, Inspektori i Përgjithshëm pasi shprehu pakënaqësinë e tij dhe të Institucionit që ai drejton për mungesën e disa Kryeinspektorëve në takim, u paraqiti të pranishmëve ecurinë e procesit punës për ristrukturimin e institucioneve me funksione inspektuese, si dhe bëri një paraqitje të ecurisë së inspektimeve online për muajin Tetor 2017.

Inspektimet on-line janë detyrim ligjor për të gjithë Inspektoratet Shtetërore, në të gjithë territorin e Republikës së Shqipërisë, si dhe prioritet i Qeverisë Shqiptare nën drejtimin e Kryeministrit shkz. Edi Rama.

Inspektori i Përgjithshëm kërkoi që Inspektorati Shtetëror i Mjedisit dhe Pyjeve, Inspektorati Kombëtar për Mbrojtjen e Territorit, Agjencia Kombëtare e Ushqimit, Inspektorati Shtetëror Shëndetësor dhe Inspektorati Shtetëror i Ujit, të ndërpresin menjëherë inspektimet e paligjshme.

Ligji nr. 10433, datë 16.06.2011, “Për inspektimet në Republikën e Shqipërisë” dhe Vendimi  nr. 1, datë 12.10.2017, i Zv. Kryeministres, si kryetare e Komitetit Drejtues për Ristrukturimin e Institucioneve të Varësisë”, i detyron trupat inspektuese t’i kryejnë inspektimet të planifikuara, duke e njoftuar biznesin sipas detyrimit ligjor, të pajisur me kartën e inspektorit, si dhe online në prani të biznesit.

Inspektori i Përgjithshëm, urdhëroi që brenda 10 (dhjetë) ditëve, Inspektoratet Shtetërore të mësipërme (ISHMP, IKMT, AKU, ISHSH dhe ISHU) ti kryejnë inspektimet me dokumente standarde, listë verifikimi, të pajisur me kartën e inspektorit ,onlinë, si një proces i rregullt administrativo ligjor, ashtu si 11 (njëmbëdhjetë) inspektoratet e tjera shtetërore, të cilat e realizojnë me sukses procedurën e inspektimit online.

Në përfundim të fjalës së tij, Inspektori i Përgjithshëm, theksoi se kjo mënyrë e kryerjes së inspektimit, përveç se detyrim ligjor, do të shmang korrupsionin, klientelizmin dhe praktikat abuzive ndaj biznesit, si dhe njëkohësisht do ti kthejë trupat e inspektimit në profesionistë. Një proces i tillë ligjor administrativ rrit transparencën, zvogëlon barrën ndaj biznesit, si dhe e ndihmon atë për t’u standardizuar dhe formalizuar. Gjatë takimit, sektori i IT të IQ dhe IT e  Inspektorateve Shtetërore diskutuan në nivel teknik zgjidhjen e të gjitha problematikave për sigurimin e funksionimit të sistemit elektronik të inspektimit.

Sot më datën 17 Tetor 2017, në orën 14:00 në ambientet e Inspektoratit Qendror u zhvillua një takim i Zëvendëskryeministres Znj. Senida MESI dhe Inspektorit të Përgjithshëm Z. Shkëlqim Hajdari me Kryeinspektoret e të gjitha Inspektorateve Shtetërore.

Inspektorati Qendror ka bërë të mundur pajisjen me laptop e printer portabël si dhe me lidhjen Internet (përmes pajisjes USB Modem) për të gjitha grupet e inspektimeve të Inspektorateve Shtetërore. Inspektimet online me dokumenta e lista verifikimi të standardizuara duke përdorur sistemin elektronik janë kërkuar të kryhen online në të gjithë vendin duke filluar nga muaji Korrik 2017. Aktualisht vetëm Inspektorati Shtetëror Shëndetësor, Drejtoria Rajonale e Tiranës ka kryer e po kryen në vazhdimësi inspektime online.

Në fjalën e saj Znj. Senida MESI, pasi bëri një prezantim të shkurtër për reformimin e inspektorateve shtetërore e agjencive me funksione inspektuese, shprehu vlerësimin e mbështetjen e saj për kryerjen e inspektimeve të formalizuara duke rritur transparencën e ulur kostot ndaj biznesit. Reformimi i Inspektorateve Shtetërore dhe Agjencive të tjera që kryejnë inspektime janë prioritet i qeverisë shqiptare. Reforma synon që t’i organizojë Inspektoratet Shtetërore mbi bazë objekti e qëllimi të përbashkët me qëllim shmangien e inspektimeve të njëjta nga Inspektorate të ndryshme siç ka ndodhur.  Qeveria është e vendosur theksoi Zv. Kryeministrja, për formalizimin e ekonomisë dhe rritjen e transparencës së punës së Inspektorateve Shtetërore në zbatim të ligjit. Duhen minimizuar e bërë zero fenomenet e gjobvënies apo sjelljeve abuzive të trupave të inspektimit. Duhen minimizuar inspektimet e programuara, ato të kryhen vetëm mbi bazën e analizës së riskut dhe për raste të pashmangëshme. Inspektimet rastësore duhen bërë vetëm në koordinim e bashkëpunim më Inspektoratin Qëndror, sipas dokumenteve standarde e listave të verifikimit. Për më tepër Znj. Mesi e vuri theksin tek transformimi i Inspektorateve në trupa profesionistësh dhe me sistem karriere.

Në fjalën e tij Inspektori i Përgjithshëm bëri një paraqitje të sintetizuar të punës e përpjekjeve gjatë vitit të fundit, në bashkëpunim me bizneset e dhomat e biznesit, vendase e të huaja për standardizimin e inspektimeve me lista verifikimi e dokumente të publikuara në faqen e internetit dhe të njohura për bizneset. Inspektori i Përgjithshëm, theksoi se inspektimet online janë zgjidhja shëruese për korrupsionin e klientelizmit në fushën e inspektimeve.

Vetëm inspektimet e formalizuara me dokumenta standarde, e lista verifikimi transparente, të realizuara përmes sistemit elektronik për inspektimet do të kryhen nga inspektorët e inspektorateve shtetërore në të gjithë vendin. Kjo është rruga e vetme e standardeve që kërkon Bashkimi Europian dhe që shnang korrupsionin, rrit transparencën dhe mbështet biznesin e ndershëm dhe lufton informalitetin. Ristrukturimi do të mbështetet duke marrë eksperincën dhe asistencën e vendeve më të zhvilluara të BE-së në fushën e Inspektimeve.

Roli i inspektorëve shtetëror do të fokusohet më shumë në këshillime e udhëzime për biznesin, se sa sanksione e devijime nga zbatimi i ligjit.

Të gjitha Inspektorët e Inspektorateve Shtetërore, sipas shembullit më të mirë të Inspektoratit Shtetëror Shëndetësor Rajonal të Tiranës, do të kryejnë vetëm inspektime online, si një proces i rregullt ligjor e administrativ.

Inspektorati Qendror

Bashkëngjitur gjeni Vendimin Nr. 1 të dates 12.10.2017, të Komitetit Drejtues të Ristrukturimit të Institucioneve të Varësisë

Inspektori i Pergjithshem Z. Shkelqim Hajdari, ne Paris, nenshkruan Marreveshjen per fillimin e bashkëpunimit me Z. Michel Rouzeau, Inspektor i Përgjithshëm i Administratës në Francë – IGA
Në kuadër të bashkëpunimit disa mujor midis Inspektorattit Qendror të Republikës së Shqipërisë dhe Inspektoratit të Përgjithshëm të Administratës së Francës, me ftesë të Inspektorit të Përgjithshëm të Administratës së Francës Z. Michel Rouzeau, prej disa ditësh po kryn një vizitë në Francë Z. Shkëlqim Hajdari, Inspektori i Përgjithshëm i Inspektoraratit Qendror.
Qëllimi i kësaj vizite, është njohja nga afër e organizimit dhe e funksionimit të Inspektoratit të Përgjithshëm të Administratës Franceze – IGA, organizimi dhe funksionimi i Inspektorateve Teknike, Shtetërore Franceze, si dhe mënyra e ndërveprimit të Inspektoratit Qendror Francez me Inspektoratet e tjera.
Fillimisht, u zhvilluan takime njohëse e prezantuese në Shkollën Franceze të Administratës – ENA, me Drejtorin e Shkollës Z. Patrick Gerard, si dhe me Z. Peirre Thenard, Drejtor i Mardhënieve me Jashtë të ENA-s.
Po kështu, u zhvilluan takime me Sekretarin e Përgjithshëm të Ministrisë së Ekonomisë Z. Bruno Verlon, i cili prezantoi në mënyrë te detajuar organizimin e Inspektorateve shtetërore.
U zhvilluan takime në Inspektoratin e Punës, me Z. Laurent Vilboeuf, Inspektoratin e Përgjithshëm të Ceshtjeve Sociale, Znj. Nathalie Destais, Inspektoratin e Doganave, Z. Francois Richard, Inspektoratin e Konkurrencës Mbrojtjes së Konsumatorit, (Z. Philippe Sage Vellier), Inspektoratin e Ushqimit Z. Alain Moulinner, me Drejtorin e Drejtorisë së Antikorrupsionit të Republikës së Francës Z. Charles Duchaine etj.
Në datën 6 Tetor u u zhvillua një takim i gjatë pune dy-palësh midis Inspektorit të Përgjithshëm të Inspektoratit Qendror dhe Inspektorit të Përgjithshëm të Administratës së Francës. Inspektori i Përgjithshëm i IGA, Z. Michel Rouzeau shprehu vlerësimin e tij për kryerjen online të inspektimeve me dokumente standarde e lista verfikimi të unifikuara nga ana e Inspektoratit Qendror të Shqipërisë, duke theksuar se mbështetja ligjore e proceduriale e kësaj mënyre inspektimi nga ana e IGA do ta ktheje sistemin e inspektimeve në Shqipëri model, për të gjitha vendet e Ballkanit Përendimor. Në përfundim të takimit drejtuesit e këtyre dy institucioneve ranë dakort për fillimin e një bashkëpunimi afatgjatë, për marrjen dhe implementimin e përvojës Franceze në fushën e Inspektimeve në Republikën e Shqipërisë, sipas standardeve e kërkesave të legjislacionit të Bashkimit Europian. Fushat kryesore te ketij bashkepunimi do te jene:
1. Hartimin e akteve ligjore dhe nënligjore, te nevojshme për zbatimin e versionit të ri të ligjit të lartpërmendur, në përputhje me legjislacionin acquis Europian;
2. Evoluimi i statusit të inspektorit, procedurat e rekrutimit dhe administrimit të tyre, si dhe çështjet lidhur me pagat;
3. Trajnimi i stafit të inspektimit me praktikat e bashkepunimit te tyre me biznesin, të zbatuara nga IGA;
4. Mbajtja e kontakteve të krerëve të Inspektorateve Shtetërore me korrespondentët e tyre teknik në Francë.
Të dy Inspektorët e Përgjithshëm nënshkruan marrëveshjen, për fillimin e bashkëpunimit duke përcaktuar fushat konkrete ku do të bashkëpunohet për reformimin strukturor dhe ligjor të Inspektorateve Shtetërore të Republikës së Shqipërisë. Finalizimi i këtij bashkëpunimi do të realizohet me vizitën e Inspektorit të Përgjithshëm të Administratës së Francës në Tirane. Z. Michel Rouzeau.

SHKARKO MATERIALIN KËTU