Sot në mjediset e Repartit Inspektim Shpëtim Miniera me pjesëmarrjen e Z. Shkëlqim Hajdari, Inspektor i Përgjithshëm, Inspektorati Qendror, Z. Alfred Kalo, Drejtor i Repartit Inspektim Shpëtim Miniera u organizua takimi për dhënien e kartave Inspektor.

Në fjalën e mbajtur nga Z. Shkëlqim Hajdari, Inspektor i Përgjithshëm, shprehu vlerësimin e tij për bashkëpunimin e përpjekjet e përbashkëta, gjë e cila bëri të mundur integrimin e këtij portali nga RISHM-i, për kryerjen e procedurave të inspektimit online duke përdorur paketat portabël.

Inspektori i Përgjithshëm Z. Shkëlqim Hajdari theksoj se me inspektimet online, firmat që punojnë në miniera e karriera të bëjnë prezantimin dhe përshtatjen e teknikave dhe zgjidhjen e teknologjive bashkëkohore, me qëllim mbrojtjen e ruajtjen e rezervave minerare dhe sigurimin e jetës së punonjësve që punojnë në shfrytëzimin e tyre.

Sot Inspektori i Përgjithshem i Inspektoratit Qendror zhvilloi nje takim të rëndësishëm me Ambasadorin e Austrisë në vendin tonë, Shkëlqësinë e Tij. Z. Johann SATTLER.

Në takim pasi u bë nje ekspoze e punës dhe përpjkejeve të stafit të Inspektoratit Qendror, nën drejtimin e Z. Shkëlqim Hajdari, Inspektor i Përgjithshëm, u shkëmbyen mendime dhe ide për nevojat e mbështetjes së punës së Inspektoratit Qendror si dhe Inspektorateve Shtetërore, me objektivin për të patur inspektime efektive e transparente, nga trupa profesionale dhe larg ndikimeve apo influencave jo ligjore.

U trajtua nevoja për një reformim tërësor dhe në përputhje me përvojat më të mira të vendeve të Bashkimit Europian të sistemit të inspektimeve në Republikën e Shqipërisë.

Ambasadori i Austrisë në vendin tone inkurajoi punën e përpjekjet e Institucionit tone për një sistem inspektimesh bazuar në ligj dhe sa më transparent ndaj publikut e biznesit.

Takimi ishte i përzemërt dhe me vlerësim për mbështetjen që Austria i ka dhënë dhe i jep në vazhdimësi vendit tone. Austria, si vend anëtar i Bashkimit Europian ka një sistem eficent të administrates publike dhe një kulturë të konsoliduar e transparente pune të inspektimeve në respekt të ligjit.

Sot në mjediset e Inspektoratit Shtetëror të Punës dhe Shërbimeve Shoqërore u organizua një takim i përbashkët pune me pjesëmarrjen e Z. Shkëlqim Hajdari, Inspektor i Përgjithshëm, Inspektorati Qendror,  Z. Blendi Klosi, Ministër i Mirëqenies Sociale dhe Rinisë dhe Z. Dritan Ylli, Kryeinspektor, Inspektorati Shtetëror të Punës dhe Shërbimeve Shoqërore, për dhënien e kartave inspektorëve të Drejtorisë Rajonale Tiranë.

Në fjalën e mbajtur nga Z. Shkëlqim Hajdari, Inspektor i Përgjithshëm, shprehu vlerësimin e tij për bashkëpunimin e përpjekjet e përbashkëta, gjë e cila bëri të mundur vënien në përdorim të këtij sistemi nga ky inspektorat. ISHPSHSH është inspektorati i parë shtetëror që është bërë pjesë e portalit unik “e- Inspektimi” për kryerjen e procedurave të inspektimit online duke përdorur paketat portabël.

Në fjalën e tij, Ministri Blendi Klosi duke shprehur bindjen e tij se inspektimet online rrisin transparencën dhe përfshirjen e biznesit dhe publikut të gjerë në procesin e inspektimit, u kërkoj inspektorëve që të jenë të pa anshëm në punën e tyre, të kryejnë inspektime online në zbatim të ligjit.

Realizimi i procesit të inspektimit online është objektivi kryesor për të gjitha Inspektoratet Shtetërore në përputhje me kërkesat e ligjit 10433 “Për inspektimet në RSH” në përmbushje të misionit të Inspektoratit Qendror për rritjen e eficencës, performancës dhe transparencës në inspektime.

Në ambientet e Ministrisë së Shendetësisë, sot me datë 25.11.2016, u organizua një takim i përbashkët pune me pjesëmarrjen e Z. Shkëlqim Hajdari, Inspektor i Përgjithshëm, Inspektorati Qendror,  Z. Ilir Beqaj, Ministër i Shëndetësisë dhe Z. Eltar Deda, Kryeinspekor, Inspektorati Shtetëror Shëndetësor.

Në fjalën e tij Z. Shkëlqim Hajdari, Inspektor i Përgjithshëm theksoi rëndësinë e përdorimit të portalit “e-Inspektimi”, ku e gjithë veprimtaria inspektuese do të kryhet online në kohë reale, nëpërmjet paketave portabël (laptop, printer dhe usb), gjë e cila do të sjellë rritjen e  efektshmërinë së inspektimeve ndaj subjekteve apo enteve publike, do të përmirësojë transparencën dhe të garantojë konkurrencën e lirë. Ky lloj inspektimi është fillimi i një reforme që ne duam të bëjmë në inspektim, e cila është prioritet i Qeverisë Shqiptare në kuadrin e ndërtimit të sistemeve bashkëkohore në të gjithë administratën, ku inspektimi ashtu sikurse për ju edhe për inspektoratet e tjera, është një hap shumë i rëndësishëm në interes të enteve që kontrollohen, në interes të bizneseve që kontrollohen në mënyrë që perceptimi i publikut për trupat e inspektimit të jetë ndryshe. Tashmë, trupat e inspektimit do të jenë në bashkëpunim të hapur dhe transparent me ato që kontrollohen. Inspektimet do të kryhen mbi bazën e një metodologjie për të prodhuar një akt administrativ të pakontestueshëm në rrugë ligjore. E gjitha kjo do të sjellë rezultate konkrete në luftën kundër korrupsionit, informalitetit dhe bizneseve të pandershme, që për hir të së vërtetës, ne përplasemi çdo ditë”, ka pohuar z. Shkëlqim Hajdari, Inspektor i Përgjithshëm i Inspektoratit Qendror.

Në përfundim të takimit u shpërndanë edhe kartat e inspektorëve, për grupin e parë të Inspektorëve të Inspektoratit Shtetëror Shëndetësor. Sipas ligjit çdo inspektor do te identifikohet gjatë inspektimit nëpërmjet kartës së Inspektorit, të dhënat dhe detajet e të cilave mund të kontrollohen lehtësisht online nga subjektet që inspektohen.
Ministri Beqaj, gjatë fjalës së tij, ka nënvizuar se kjo është një risi në punën e inspektorëve, si dhe një përpjeke për të garantuar cilësi në ofrimin e kujdesit shëndetësor në të mirë të qytetarëve tanë, por edhe për të krijuar në mjedis shëndetësor, qofshin këto sistemin publik apo jopublik të funksionojnë në mënyrë transparente dhe me konkurrencë të ndershme.

Konferenca e Përhershme Ndërkombëtare e Inspektorateve (SICI) organizoi në Tiranë në datat 24 dhe 25 Nëntor 2016 Konferencën me temën Kuadri Ligjor dhe Procedura e Inspektimit, aktivitet ky i organizuar me ftesë të Inspektoratit Shtetër të Arsimit të Republikës së Shqipërisë.

Ky aktivitet i rëndësishëm ndërkombëtar i organizuar për here të pare në vendin tone mblodhi së bashku ekspertë dhe personalitete të njohura të fushës së Inspektimeve të arsimit nga vende të bashkimit Europian dhe të rajonit.

Inspektori i Përgjithshëm i Inspektoratit Shtetëror, Z. Shkëlqim Hajdari në fjalën e tij përshëndetëse pasi shprehu vlerësimin e tij për punën dhe arritjet e Inspektoratit Shtetëror, bëri një pasqyrë të parimeve bazë, misionit e objektivave që burojnë nga ligji “ Për Inspektimet në Republikën e Shqipërisë”.