+355 694835881 info@insq.gov.al

Takim me Bisnesin për reformën Rregullatore

Mar 15, 2013 | Evente

Sot, me datë 15.03.2013 nën drejtimin e Kryeministrit Berisha u zhvillua bashkëbisedimi me biznesin në lidhje me propozimet e Task Forcës për reformën rregullatore ku ishte e pranishme dhe Inspektoria e Përgjithshme Zj.Mimoza Hajdarmataj. Duke i vlerësuar mendimet e shprehura në këtë takim, qartësisht të rëndësishme e të vlefshme për një klimë më të mirë të veprimtarisë së biznesit në Shqipëri, Kryeministri Berisha theksoi se kjo e bën të domosdoshme rishikimin në mënyrë përfundimtare të reformës për biznesin vecanërisht në dy drejtime kryesore: reforma në autorizime dhe reforma në inspektim.

Gjatë këtij takimi Kryeministri Berisha bëri me dije se për reformën e inspektimit janë analizuar rreth 121 ligje sektoriale, janë amenduar 77 ligje dhe është ndërhyrë në 12 draftligje në proces hartimi. Kjo reformë mundëson uljen e ditëve të inspektimit nga 45 ditë në 5-15 ditë per subjekt; uljen e kostos së inspektimit nga 1000 euro në 100-200 euro për llojet e ndryshme të bizneseve; praktikat më të mira në inspektim, zbatim i e-inspektimit, eliminim të arbitraritetit të inspektorëve, eliminimin e mundësisë për ryshfet dhe korrupsion; komunikim të shpejtë, transparent e cilësor me të gjitha institucionet e përfshira në aktivitetin e biznesit.

Duke vlersuar ngritjen e Inspektoratit Qendror kryeministri shtoi se Reforma e inspektimit është një nga reformat, absolutisht, më të mëdha e të rëndësishme që është realizuar në këtë vend. Edhe kjo ka pasur një synim: heqjen nga shpatullat e biznesit të barrës së rëndë të inspektimeve, të cilat me sistemin ekzistues merrnin 45 ditë dhe kishin një kosto shumë të lartë, 1000 euro në mesatare. Është bërë një punë e jashtëzakonshme, për t’i thjeshtuar inspektoratet nga 36 në 11, për të krijuar një inspektorat qendror, me qëllimin e vetëm që të kontrollojë ndershmërinë dhe ligjin e kontrolleve. Po vendoset gjithashtu sistemi online i inspektorateve, me qëllim e vetëm që inspektori të lërë gjurmë e të mos shkojë sa herë ti teket. Kjo reformë përbën një zhvillim jashtëzakonisht pozitiv në qëndrimin e administratës ndaj biznesit, përben një përpjekje shumë të madhe në luftën kundër arbitraritetit, përbën një përpjekje shumë të madhe për një kontroll të ndershëm, vazhdoi më tej ai.

Në mbyllje të këtij takimi, Kryeministri Berisha duke falenderuar të gjithë për mendimet e çmuara u shpreh që kjo është një praktikë e re që ne si Task Forcë do ta ndjekim gjithnjë. Kryeministri garantoi se ato cka u premtuan do të jenë realitet, dhe ato që u premtuan për t’u bërë do të bëhen, të tjera do të studiohen e shqyrtohen.

Harmonizimi i Legjislacionit Sektorial me Ligjin e Inspektimit

Mar 12, 2013 | Publikime

Gjatë një viti nga miratimi i ligjit të inspektimit, është ndërmarrë për të dytën herë një analizë e thelluar e legjislacionit në fuqi dhe janë formuluar të gjitha ndërhyrjet në mënyrë që të sigurohet një harmonizim i plotë mes ligjeve sektoriale dhe ligjit për inspektimin.

Ndërhyrjet amenduese në legjislacionet sektoriale përbëjnë një operacion të gjerë të mbi 77 ligjeve sektoriale, por gjithashtu edhe të kufizuar vetëm për çështje që lidhen me inspektimin.

Çdo ndryshim i propozuar nga Ekzekutivi dhe i miratuar nga Parlamenti, ka patur për synim, si rregull, vetëm harmonizimin e ligjit sektorial përkatës me atë të inspektimeve dhe lidhur vetëm me çështjet inspektuese.

Më poshtë gjeni të publikuara të gjitha amendimet e ligjeve sektoriale të miratuara në seancën plenare të datës 14.2.2013
Fletore Zyrtare Nr. 31, datë 12 mars, 2013
Fletore Zyrtare Nr. 30, datë 12 mars, 2013

Fletore Zyrtare Nr. 29, datë 12 mars, 2013

Inspektorja e Pergjithshme e Inspektoratit Qendror, anetare e Grupit Nderinstitucional te Punes per Hartimin e Planveprimit “Partneritet per Qeverisje te Hapur”

Feb 20, 2013 | Lajme

Iniciativa Open Government Partnership ( www.opengovpartnership.org ) është lançuar në shtator të vitit të kaluar dhe bashkëkryesohet nga presidentët Barack Obama dhe Dilma Roussef të SHBA-ve dhe Brazilit, me anëtarë të parë, shtetet që kanë firmosur Deklaratën e OGP-së: Indonezia, Meksika, Norvegjia, Filipinet, Afrika e Jugut, Britania e Madhe.
I pranishëm në ceremoninë e lançimit të iniciativës së OGP-së në New York, më 21 shtator 2011, Kryeministri z. Sali Berisha u shpreh: “Shqipëria është një vend që po bën përpjekjet më serioze në drejtim të një qeverisje më transparente. Në këtë Forum, Shqipëria gjen një frymëzim dhe angazhohet të zbatojë një për një të gjitha zotimet e angazhimet që rrjedhin nga anëtarësia në këtë nismë.”

Ndërsa në letrën e pranimit të Shqipërisë në OGP, datuar në 2 gusht 2011, ministri për Inovacionin dhe TIK z. Genc Pollo shkruan ndër të tjera: “Vendi im, vitet e fundit ka shënuar arritje në luftën kundër korrupsionit dhe kthimin e qeverisjes në më të hapur dhe transparente për qytetarët. Jam i sigurt që pjesmarrja e Shqipërisë në OGP do të bëjë të mundur që të mësojmë nga eksperiencat e vendeve të tjera dhe gjithashtu Shqipëria t’i paraqesë vendeve anëtare apo aspirante në OGP sfidat dhe sukseset e saj në këtë fushë.”
Ne zbatim te Urdherit te Kryeministrit Nr. 104, date 28.12.2011, eshte ngritur Grupit Nderinstitucional te Punes per Hartimin e Planveprimit “Partneritet per Qeverisje te Hapur” dhe me ane te Urdherit te Kryeministrit Nr. 14, date 20.02.2013, “Per nje shtese dhe ndryshim ne Urdherin 104, date 28.12.2011, te Kryeministrit “Per ngritjen e Grupit Nderinstitucional te Punes per Hartimin e Planveprimit “Partneritet per Qeverisje te Hapur””, Inspektorja e Pergjithshme behet anetare e ketij Grupi Nderinstitucional.

Ne linkun e meposhtem do te gjeni angazhimin e Qeverise Shqiptare per nje Partneritetit për Qeverisje te Hapur, OGP, e cila është një nismë e re shumëpalëshe që synon të sigurojë angazhime konkrete nga ana e qeverive për të nxitur transparencën, fuqizimin e qytetarëve në vendimmarrje, luftën kundër korrupsionit, dhe të shfrytëzojë teknologjitë e reja për të forcuar qeverisjen, angazhim i cili shprehete me projektin konkret te portalit ” e-inspection” i cili po ngrihet dhe do te mbahet nga Inspektorati Qendror.

http://www.opengovpartnership.org/commitments/e-inspection-portal/
Bashkëlidhur gjeni:

Urdhri nr. 14 datë 20.02.2013 “Për një shtesë dhe ndryshim në urdhrin nr.104 datë 28.12.2011, të Kryeministrit, “Për ngritjen e grupit ndërinstitucional të punës për hartimin e plan veprimit “Partneritet për Qeverisje të Hapur”

Urdhrin nr. 104 datë 28.12.2011 të Kryeiministrit, “Për ngritjen e grupit ndërinstitucional të punës për hartimin e plan veprimit “Partneritet për Qeverisje të Hapur